馮大炮：煙民有吸煙權利
2014年4月9日
無論是否支持李靜儀動議即時修法，幾乎所有議員認同吸煙有害健康，唯獨人稱“馮大炮”的馮志強的言論出位，高呼“全面禁煙滅人慾”。
“你唔食煙你嘅事，我食煙係我嘅問題。點解要我活在你的價值觀底下？
”他直言法律在於讓權利與義務達到平衡，好多議員因為自己唔食煙，就希望全面禁煙。他為所有煙民控訴，“我有食煙的權利和自由。”
“人唔係只得做嘢、食飯、瞓覺咁簡單，人要有七情六慾，要追求生活樂趣，食煙、飲酒、賭錢都係其中之一。”
“邊行冇職業病？你唔想食二手煙可以唔做莊荷啊！”他又指出，不少莊荷都有吸煙習慣，自爆經常去賭場玩樂時都有莊荷睇中他那款澳門“冇得賣”的煙仔，想攞支“試下”。
“你唔食煙唔知道食煙的快樂，鄧小平、毛澤東、孫中山食煙，林香生、高開賢，（澳葡）第一任立法會主席、上一任立法會主席都食煙！”
為了捍衛食煙權，將偉人、同儕都擺上檯，馮大炮你係得嘅！
