阿添的故事第7集

這一戰輸45000現金的阿添由以往賭神的神態, 好似失敗者甘急急腳搭船, 因唔想比其他人知佢輸錢(失敗), 雖然固作鎮定, 但本能反應...頭DUP DUP, 眼神閃縮, 一坐上船就閉眼, 諗起今天沖動下注, 嚴重失控, 又諗如果(阿添好鐘意諗"如果"...), 如果他拿2皮出來慢慢玩, 絕對好大機會追番些少(至少不會清袋)之類的想法,感到無限後悔。。阿添想著想著, 皺住眉頭睡著了。。

阿添一路跑回家, 一路心諗唔會再去賭場, 只想快點回家食野沖涼訓教。。雖然戰鬥短短幾個鐘, 阿添已經賭到怕, 心裡覺得好唔踏實, 非常不安。。 回家後當然冇打比阿偉匯報, 直接訓左。。。。。。。

異常平靜的生活............

阿添冇再過大海, 阿偉都少左搵阿添(冇再過大海, 加上覺得阿添太好賭), 新年後大家都要溫習, 準備重考ALEVEL(自修), 成績出來和和過過, 全PASS但JUPAS又派唔到大學, 只有某幾科升GRADE... 之後偶然幫一位F5學妹阿寶補習, 順其自然一齊左, 開始同居生活, 然後大家都有自己的工作, 阿寶做文員, 阿添做跟單文員, 放工就接阿寶一齊食飯然後返屋企。 放假的時間, 有時一齊行街, 有時一齊系屋企玩電腦遊戲, 生活非常充實寫意。 至於阿添屋企人, 非常愛錫阿添, 而且通融阿添阿寶的情況, 會煮飯一家人食, 非常美滿的家庭生活。

幾年話甘快過去, 阿添雖然冇過大海, 但有時都賭下波, 鐘意玩即場走地, 一路睇波一路食薯片, 阿寶就自己訓教(因精彩賽事通常夜晚, 有時零晨開始), 阿寶好唔鐘意阿添賭錢, 所以阿添一出糧先比家用, 之後就比哂阿寶管住, 只留一千幾百比阿添食飯買野......所以賭本更為珍貴, 雖然只賭幾百, 但都已經十分刺激(因真是輸光的時候, 阿寶唔會可憐阿添, 真的要天天食杯面)!!! 4年間, 阿添換了最少8份工, 阿添其實很享受打工生活, 但總覺得工字不出頭, 人工一直在1萬到1萬5之間。

2011年, 阿添事業發展有突破, 認識了幾間優良廠家, 當然立即自行搵食, 先把部份公司客戶拉比自己, 再自己出去搵客。。半年後生意穩定後, 每個月最少有1皮收入。 除左有很多自由時間, 最重要當然系阿添做生意後, 自己可以隨意動用公司的錢。 阿添一開始都睇下D內房股(當時唱好), 藍籌, 買了幾皮, 買了1個月後反思, 第1日升5%, 第2日又跌番5%, 第3日又升5%, 之後星期六日又休市....成個月升升跌跌最終只賺10%, 但屋企人話已經好勁好犀利。。阿添完全冇感覺....心諗唔系掛, 日日升升跌跌一個月都得10%, 節奏慢不再講, 賺錢又不多, 仲要有手續費。。

阿添有一晚在床上思考, 公司生意其實都是賺15%, 但投放本金非常巨大, 又要承受風險, 絕對唔講得上"好搵"。。。

有咩工具, 可以一日賺5-10%? 當然阿添即刻回想起以前.....賭場2千本金賺1皮幾, 唔好話10%, 500%都周時搵到!!!!

所以...阿添馬上起床開住個臺燈, 即刻擬定賭場羸錢計劃!!! 阿寶仲問阿添甘夜仲要搞公事, 叫阿添聽日先做啦....

阿添雖然有少少歉意...但都系維持左1秒...同阿寶講, 你訓先啦, 好快汁埋D手尾陪你訓之類的說話。。

瘋狂賭博之旅又即將開始。。。