阿添的故事第6集

阿添阿偉2人最後的過關計劃失敗, 心情一定差到極點, 信心盡失之類, 但也要面對一個最重大的問題: "沒有本錢"

2人在以往一個月都是羸錢離場, 有時汁幾百, 有時汁皮幾, 突然清袋當然非常不習慣, 又去番帝王點心傾傾。

飲左啖水, 阿添話明顯今日手風不順, 至於最後過關計劃, 當時得番2000, 博就系要甘博GA啦... 最後唔就都冇計...

阿偉望住阿添, 就話阿添之前成日講咩策略, 注碼控制, 而頭先甘賭唔系行緊策略, 只系賭博, 博羸幾場收手, 由運氣去決定生死, 話阿添賭得太急之類(由阿添聽落系悔氣說話), 阿添話頭先過3關阿偉自己都同意..., 亦都差一關就成功...而且之前一個月都羸左5萬幾, 叫阿偉唔好甘灰心住, 直接問阿偉不如一齊EPS按2萬出來, 博2萬。

阿偉其實頭先已經由以往仰慕阿添的眼神, 已經轉變為死灰眼, 覺得阿添今日羸錢機會好細。。阿偉即刻話唔好了, 已經輸左2萬了, 唔系細數目, 而且要趕回家吃晚飯。。阿添心諗之前一齊羸錢就咩都得, 輸左2萬姐, 就已經信心全無!! 

阿添有少少憤怒, 覺得阿偉唔同佢共同進退。。 

2人走到賭場外, 阿添叫阿偉走先, 自己再追番些少先返, 阿偉先系吃左一驚(可能佢估計唔到阿添甘好賭),  最後都話好啦, 返港CALL佢之類的說話就搭車走了。

阿添深呼吸一下, 心想今日一定要追回2萬, 阿添同自己講一定做得到。入賭場第一次刷 EPS 20000, 1.2%手續費, 阿添當睇唔到, 因阿添的目標是最少20000, 幾百蚊當然完全不放在眼內。

阿添急步遊台, 恨不得一下ALLIN 2皮中左即閃, 但阿添都叫自己一定要冷靜, 頂住!! 唔好急但系要快, 就是形容阿添呢種人。 遠處睇到有張台眾人圍到密密麻麻, 原來已開了6個大, 前面仲要只開得1個小, 未試過開2個小, 這種情況大家都知大非常旺勢, 加上阿添當然回想起中午西裝男的情境, 再加上自己之前已輸甘多, 大數發則, 覺得一定會有平衡機制, 自己呢口肯定羸, 覺得百分百開大的阿添心想落幾多好?? 當然一開始最少都要5千起步啦, 唔系點追番2皮?? 5000大, 叮叮叮 3,4,4大。YES! 阿添叫了一聲, 心諗就系甘的勢頭了!! 收回1皮, 當然再立即ALLIN 大, 沒有什麼好思考!! 眾人都全一面倒押大!! 叮叮叮, 大家一起叫大!!大!!大!! 結果1,4,5小, 我操!! 阿添聽到強國人們大聲叫, 非常憤怒, 而眾人當然非常失望, 嘆氣。

阿添咩環境?? 真頭已經著哂火, 面紅耳赤!! 因之前小最多得一個, 所以眾人又押大了,  但明顯押大的人少了很多, 阿添當然無視這情況, 大推8千大, 叮叮叮 1,3,4小, 阿添已經失控, 心裡面明知這路唔順佢, 但阿添心裡同自己講最後7000ALLIN大, 如果唔中, 就以後都唔會再黎, 明正言順的ALLIN!! 當然阿添也覺得大很旺勢, 肯定不會超過2個小............ 阿添就憑這微弱的靈感, 等待骰子救佢一命, 心裡求求神比次機會佢(阿添根本不信宗教, 但唔知點解當時立即想起上帝之類)  

當時旁人都看到阿添面紅耳紅, 眼睛睜大, 呼吸急速, 都沒有買, 系到食花生等看戲。 叮叮叮, 1,2,3小........眾人搖頭, 都為阿添可憐(表面上)...阿添立即拿銀包出來, 摷摷摷...最後摷到最後500(只留下80散錢),買大, 頭先仲眼大大的阿添, 現時已經只有半邊眼睜開, 一臉頹態, 叮叮叮 突然有個師奶殺出黎買5000小, 阿添心諗X你老尾, 開1,2,2小。。阿添直頭唔敢相信, 呆滯睇住師奶收錢.......再望望自己荷包, 得番80....當然唔夠錢買船飛...

左思右想...決定再刷1000出來, 買船飛。 一臉人生敗者的醜態走到櫃台, 刷1000出黎...........都系唔好, 刷5000出黎..........到底咩事刷5000??

阿添眼神又恢復神彩, 冇錯....仲有機會, 仲有希望, 仲有得博, 即沖去頭先張大小台, 見到已經開了5個小...阿添5000小!!! 大吸一口氣, 即開4,5,6大!!! 惡夢, 前所未有的惡夢!! 阿添第一次感覺被殺追, 有一種無形的東西主宰運氣, 阿添立即再刷錢套現現金返港。