欠債20萬，借多2萬，直播走最後的路

大家先放心，最後的路唔係指要自尋短見，而係對自由的最後爭劄，輸埋基本上無得再借，唯有全心還債，過平淡而認命的生活。以下每一字一句都係真實的，講假話完全無意思，同時警惕自己唔可以亂黎，ching既意見我會一路參考。 3年了，回想起3年前，在馬會贏左2000元，已經開心到不得了，馬上買左個1600元既袋獎勵自己，而呢個袋一直用到現在，而家對我黎講，贏2000元已經無感覺，只會想用黎繼續投注，希望贏更多... 小弟23歲，月入15000，欠債20萬，聽日會到財務續借拿多2萬，走上真正職賭之旅。本人返夜晚8-6am，預計每天收工就會坐船到澳門開工，目標每日正數就足夠，輸贏都如實報告，每天更新。希望能持續正數，最低限度係足夠支付生活開支及每月還款額（約1萬），並不求追數。的確有可能一日就清袋，咁就證明我要馬上認命，告別賭博，呢個係我最後的機會。往後如果能持續到，我會一路分享3年來既賭博經歷+每天職賭實況，暫時會離開屋企，同左屋企人講去朋友度住 紀錄正負數以扣除當天開支費用計 day 1 +2000 day 2 -10000 完結了 感謝留言大部份都係叫我唔好賭,我亦有睇,有思考c兄們既勤勉,如果唔理會既話我開post都無意思,第一天多次打破自己規則,深明只係好彩追到數,不料第二天又一次下水,直插一半賭本,投降了,從十八層地獄走到十七層地獄，但已經足夠，學費不能再交更多了 未來不求有錢,但求脫離恐懼同不安,平淡生活下去