阿添的故事第3集

上集提到阿添單拖去威記又羸3千, 休息了幾天。 阿偉打比阿添話賭波中左條3串1羸左2000幾, 雖然3串1但都是熱門賠率, 但阿偉已經好興奮, 叫阿添快上馬會睇睇今晚有咩心水? 阿添照舊睇睇, 發現自己心水賠率低, 得1.72, 突然覺得賭波遊戲唔公平(可能馬會抽水又深...), 同阿偉講賭波好似麻麻, 甘低水, 要羸幾場先抵輸一場! 賭場遊戲1賠1咪仲好, 又講埋前日戰績小索3000, 阿偉話有冇甘勁又索, 阿添仲懶醒講下投注策略, 又話心態最重要之類, 阿偉當然都心鬱鬱忍唔住啦, 相約明天一起過大海遊船河。

今次阿添阿偉每人帶5000本一大早去到威記(當然又是威記, 對於添偉來講是旺場), 一開波去300大小臺玩, 眼看已經開了8個大, 全部人都落大, 熱鬧非常。阿添同阿偉講買小, 一齊夾500買小, 叮叮叮 1,2,3小, 中! 跟住又話再買小, 阿偉個陣已經信哂阿添(因阿添自信爆堋不可一世的衰樣, 再加埋口氣...) 

果然, 1,4,5小, 又中! 阿添露出自信的微笑, 又同阿偉再買小, 今次1,6,6開大。 但阿添非常放鬆, 完全冇一點擔心的神情, 同阿偉講DOUBLE買大, 每人1000大, 叮叮叮 4,4,6 又中!! 當日阿添阿偉未試過連輸3口, 阿添的策略大派用場, 最終大家再索18000離場, 而今次, 阿偉對阿添的印象亦改觀, 覺得阿添識賭錢, 夠膽下注....已經有少少仰慕阿添了....

阿偉仲講: 唉!我都想好似你甘, 次次都羸錢, 羸少少都好... 阿添當然又講識得控制注碼, 索夠就要離場之類的說話, 又話阿偉都一定做得到。

阿添阿偉之後幾星期成日見面, 又多次相約過大海(最少10次), 羸多輸少。

在羸了近1個月, 阿添阿偉又出戰了, 今次他們每人帶了2皮本, 這一場戰鬥非常艱苦, 一場血雨腥風即將來臨, 將會影響了2人之間的友誼以及關係。