職業賭博

各位師兄，小弟在十三年前，因為種種原因而整到被六親所不認（都唔是我錯，我根本就無錯，只是因為大家價值觀唔同，而俾佢哋覺得我是異累），雖然而家見到都有打個招呼----也僅僅是打招呼啫。
    而十三年前又剛好我生意失敗，破產而負債百幾萬。心灰意冷，十極無路之間就諗到賭博（本來我一直覺得賭博無前途，但為咗還債只能挺而走險。也是因為咁樣先俾我認識到賭博嘅博大精深，呢個跟題目無頭，暫時唔講住），在頭十年，小弟跟好多鍾意賭嘅朋友一樣，經歷過贏咗，輸咗，又贏又輸，周圍借錢，又周團還錢。但是年復一年，好似一直在轉圈一樣，唔會有進步，也唔會剩下好多錢，反而一直還唔清債務。

    經過十年我原來嘅同學，朋友好多都事業有成，個個有車有樓有公司（在最開始個時，無一個比得起我）。我忽然間好驚好驚，咁樣都是兩手空空。咁我就諗：經十年我證明事實上呢條路是行唔通嘅，不如洗水做返生意啦。但是呢個時候先知原來自己好似與社會脫咗軌啦，生意場上嘅人脈已經無曬，以前識個的人有啲失敗而轉行，有啲成功咗啦而家財大氣粗，根本唔會再同我合作，畢竟而家身份唔同，唔同一個層次啦。

   咁點算？小弟我貓在屋企一年足不出戶口（有飯買餸外），思考咗好鬼多嘅各種各樣嘅問題，藉以瞭解自己，一直在諗人到底活著是為咗咩嘢？而一年後也積蓄駛曬，無計生活就肯定要嘅啦，而到呢個時候也都發現在自己在地球上唯一有競爭優勢嘅只有百家樂（也因為這一年嘅冪思苦想，加上十年嘅經驗累積，終於讓我更清楚了賭博），所以小弟明白了而家嘅我除咗估職業賭徒外，暫時難以自力更生。就咁小弟就又做咗三年職業賭徒。

   而其實呢個賭徒職業是極其無聊極其苦悶嘅，都一直對著幾張PAPER牌，翻來翻去，拿幾個亂碼拿來拿去。仲要要萬分小心控制自己，否剛秒秒鍾萬動不復。呢個各們師兄大家經歷應該比我仲我肯定理解。

     是咁小弟認為：職業賭是全世界最無聊嘅職業。先職業賭嘅人除非是實際無路可行，否剛也是全世界最愚蠢嘅人。也希望在呢喥有較後生嘅朋友在想賭博之前最好三思，自己將會踏上一條好坎坷嘅道路！
     而小弟至今為止也僅僅只賭百家樂一樣賭戲。澳，新，馬，船都賭過。

而對於百家樂有小小心得，也都講出來與大家分享：其實百家樂其實就是自己在跟自己對賭。
      也因為咁樣，再一次證明職業賭徒是一個無聊至極嘅職業：因為成日自己與自己玩。