爛賭經驗1

本人27歲，到而家輸左300萬到，大部份都係屋企人的！而家好後悔,第一次過大海係21歲，仲記得當時係同一大班朋友過年時去的，因為第一次去感覺好新鮮，果次冇乜贏輸，但已挑起自己的賭根，跟住返左香港幾日，但日日都諗幾時可以再去玩，因為當時一個人係唔會去，我記得有一日，係星期日黎既，其中有兩個朋友叫我再去，我地去左，我地乜都賭，就係唔賭百家樂，當日賭左大約十個鐘，每人輸萬幾蚊，當時已經覺得好多，但之後返到香港同我阿叔個朋友講自己去澳門輸左$，佢話下星期帶我去贏返，因為當時我同佢都係跟我叔揾食，當時好fd底，佢大我20年到，但我同佢去果次，佢話教我玩百家樂，學左就僕街了，果次羊左5萬幾返香港，仲覺得D錢好易羊，仲覺得自己賭神，但惡夢開始了，之後我自己過去賭，好快咁輸曬羊返黎果5萬幾……跟住返左香港，返到黎冇同任何人講，但同我叔朋友口中，原來賭埸有得6卡，當時我係唔知道的，知道有得6卡後，我即晚就去賭，好快輸左8萬幾，出到門口，有條友話借錢比我，原來係扒仔，佢話睇我賭左2個鐘，佢話我唔識賭，仲話借錢比我翻身，教我賭，跟住就跟左佢去間茶記搞手續，仲沒收左我部電話，原來係查我電話打左比我老豆，我當時仲on99,當佢地係fd……跟住比左10萬我，同班僕街上廳賭，話你買100蚊我抽你20蚊跟住唔計息，當時我冇諗過輸左會點…………待續