我戒賭了+好運的贏一輸一

有師兄問身邊有無人成功戒賭，我想給大家一點正能量。

我從前十分爛賭(三四年前寫過經歷)有份好工，賭左十幾廿年，乜都無曬，最後賣樓，欠財務百二萬，三，四年前認輸，好彩老婆原諒，更好彩無影響份工，老婆同我節衣縮食還債。還完債而家又供番樓了，算係返會正軌，雖然走了很多冤枉路，但我��敢說:早知.......因為一早知，便會不忿氣，會有衝動去取回失去的，但大家都知，結果只會失去更多......

上星期六，久別有機會重遊鬼域，玩了一天，離上船還有兩個鐘，老婆作了一個令我吃驚的提議，就係入賭場睇下，我想了一下，答應去，我都想睇下自己有乜感覺。本來想去以前賭開的回力，原來沒有了，便去了海立方。入到去第一件做的事，就係走左去沖左兩杯奶茶。之後唔知點好，好似好唔自在，走到一張無人的百家樂檯，坐低，拿出一張500，換了碼，個荷好奇怪咁望了我一眼，之後比左個500碼比我。我將碼放到(閒)，終於我知道為甚麽個荷會咁奇怪......

我碼還未離手，已經響起一把不屑的聲音:[先生，最少買1000]嘩，我屌，幾時開始賭場要買身家架，於是只好從銀包取多500，共買了1000閒。派牌了，兩隻兩邊，我亦毫不掩飾，在老婆面前展示用幾百萬換來的甩牌投巧，一吹一頂，九點順利勝出。我好記得當時一丁點開心都無，反而有點心寒，於是，做出了一個奇怪的決定:將個1000碼遞比老婆，叫佢排隊換錢。而我，用1000碼再買.....莊，嚇點解買莊?因為我估開閒，派牌，開牌，閒七莊六，順利叉燒輸左，即時同老婆會合，排左十分鐘，攞返1000，袋返落銀包，無多無少離開。

而家諗番，好開心無贏錢離開，因為果d係攞命錢，不要也罷。各位師兄，有得返轉頭就返轉頭喇，無左既就由得佢喇。