戰記

由於復活節開工，所以把握呢個週末假期出戰。原本金沙會公關話周日至四可以送房的，但係我貪心又多口，攞咗週五晚喜來登。在我不斷需索之下，又攞埋4月11(六)喜來登+那英，曹格Energy 演唱會兩張。由於今次有同事參股行纜，所以今次二人行。21:30出船飛，原來可以扣15分出多一張，梗係出啦！入閘無對名，落船得二三成滿。兩個大鄉裡無去過cod,金沙城，周圍揾先取房，後繞凱運一周，食埋宵夜，價錢比金沙貴。賭場有些檯有創意，但無番攤即是零分，馬上坐的士到金沙朱古力$85。今次策略是輪流發球，如果被炸中帽即換對方接戰。01:00開戰，至03:20沿途無壓力。因為被同事一一化解曬，而我個人創出新紀錄，買咗11/12鋪，有10鋪被炸中。即是如果有人揾我做燈，已經中正番過十關了！炸到你服，轉檯後即刻順番曬，鍊到04:00食埋嘢，打的回航$75安睡。(車費都唔少)瞓醒退房，過官也街食水蟹粥，保持水準！下午全力硬拼，13:30-16:20同事嗌切割分家，算帳羊萬八。再講詳細D,到咗16:10後的尾聲，我偶然望到隔離檯盲咗個2有成廿幾鋪，於是膽生毛自己偷跳三千，開啦…4呀！咦…點解？咁多大注在四通嘅？望真啲原來之前三鬥4。唉…返番自己檯分家盤點完起身，見到隔離檯全檯隊曬落二通.....我心諗上鋪冧落4瓜曬，今鋪冧曬落2....廿幾鋪盲2.......唉…果然.....跟住換個旅行袋，仲有手襪帶走，感恩！

總結福利:去兩船飛，一房，$200飼料券，旅行袋，手襪，回兩船飛。