你最喜歡的賭戲是
有人去賭場,永遠只玩一樣野~
我就會乜都玩下......
當然,邊樣最旺,最贏倒錢就玩多D和耐D,
但呢樣唔順時,可以改玩第二樣......
我最喜歡的賭戲,順序應該如下:
1. 21點,最考技術(當然運氣仍是最重要),好多時要唔要一隻牌會影響全局,甚至影響埋之後幾局...... 但最怕同檯有D唔識玩既人...... (例如個莊6仔面,佢14點仲要牌,自己爆左,累埋全檯人輸,仲要大大聲話:14點點會唔要呀??? 果下真係火都黎~~ )
2. 百家樂,始終是最簡單和直接的遊戲,但又不是完全的簡單和直接...... 雖然一靴牌的排列是早已排好的,基本上不可能有任何變化,但其實某程度上亦有"路" 可捉~~ 既可以甩牌,又吹又頂的快感,加埋有時中埋孖對~ 都幾有趣!(如果有埋龍七,1賠40倍,更正! 之前COD和威尼斯有的,不過如今好像絕跡了......)
3. 加勒比,當然最吸引的是幾百萬既JP,某程度亦需判斷加唔加注...... 亦有少少技術判斷~ 而且亦有甩牌的快感!! (不過其實賠率是好唔抵的! 根本完全不合比例!)
4. 富貴三寶,基本毫無任何技術可言,但最吸引的是 Pair Plus 的賠率,同樣亦有甩牌的快感!! (如果好似新加坡有埋JP就更好呢!!)
我多數只玩呢幾樣...... 總結黎講,我比較重視:
1. 有沒有技術或需否作一些判斷?
2. 最好有得甩下牌,有一定的快感! (當然,在賭場玩我一定不會爭牌睇,因為遊戲規則是由買大注既人睇;一係唔好買,為睇牌而專登買對面既,仲傻~~;但自己買左,自己睇番,尤其搏第3隻牌時,事實是非常刺激的! 有時真係會有是自己捽牌捽出黎既感覺~~)
3. 賠率大D亦能吸引我,所以我買百加樂和21點,好多時都會買埋對子,1賠11,有一定的吸引力呢! 有埋JP就更好啦!!
我比較懶,越簡單我越鍾意,8+6,大細都幾好...