端午節假期辣操了幾課戰鬥力提升不少

見病情好轉, 希望能接上兩個星期旺勢再戰濠江.星期日出發前已訂下作戰計劃, 先用馬會九路大軍打頭陣, 如有甜頭, 到了濠江作戰就輕鬆. 到逹港澳碼頭時間約09:00 , 頭等後補要排到天橋, 唔好搞我用秘密通道潛到樓下等好過, 最尾坐番正班11:30 上船哂鬼氣. 一到澳門先到永利醫肚, 聽見一張臺圍觀人數達30 人之多, 八掛行埋去原來開緊6粒閒1粒莊, 5粒閒1粒莊, 再開緊4粒閒1粒莊, 飽肚後到澳門馬會看賽果, 我的九路大軍豬了三份一兵力, 即時轉戰舊葡取糧草, 接戰下稍有微利, 在沒有好路下就同大陸佬對賭, 尾四口錢唔係67叉燒, 就係例牌, 根本沒有派第三隻牌機會, 勝負各佔一半, 見運氣都係麻麻地, 手上有微利下, 都係返珠海涼冷氣賭香港馬可也, 點知九路大軍全敗下陣. 今日晨咁早由珠海再折返澳門舊葡再戰, 早場不很利自己是實戰告訴我的, 一定要小心應戰, 點知都要初時下水, 沉著應戰, 靠經驗打番上水, 跟住撞正兩個大陸妹一味賭運, 你買莊, 佢就買閒, 互有勝負, 見賭了兩日有微利, 早返香港費時同人去迫.