二千五精兵凱旋歸來

中午十二點三船，點半到海記，二千五連船飛，早排已輸到甩褲，今次輸贏都係呢二千五，廿一點，細細地一舊一舊咁玩，唔上唔落，過程中過blackjack 對子咁，磨左一個鐘win千五，扣埋船飛即千二落袋，我同自己講，我輸唔起，唔可以再輸，之前成日都執少少唔識走最後又輸鳩曬，好唱錢走人，但果時又好早，無理由去個幾鐘澳門又走人，就去左皇家金堡睇下橫店未去過，順便r的野食下都好，去到差唔多全部百家樂，而且環境唔係好岩我，始終去開海記，見都係三點，好，返海記食多件麵包，飲多杯奶茶走人，早走慳返三十蚊船飛錢，去到見到廿一點莊弱勢，難敵心魔就唱番五百玩，諗住執張船飛走，玩下玩下玩到五點幾，五百變二千幾，見應該趕唔到去碼頭又再玩落去，之後上到六千八，貪心輸番落去，最後輸曬的一百碼，算五千走人，過程中win幾鋪我就縮，差唔多次次縮莊都A面，好多都死好運，唔夠點都屈到莊機，今日的運應該用曬啦，要儲下氣，過多排先再出發