一局索得極度興奮而回味的8+6
係金沙二樓大竺地,我玩左張新檯,燒牌後三局閑嬴,第四鋪開始下注,一千蚊檯,最低投注,一甩兩隻四邊,一吹即吹走第一隻,馬上叫班長唔該就一就少少點開牌,一開公+2,即刻收錢,過關起孖,無邊撞三邊,先將無邊斬頭,一斬即白雪雪,我馬上又唔該班長就就少少點最好開莊六點,點知莊一開一公撞6,嘩,鋪牌又當九點賭,索硬..過第三關,一甩k9,莊家兩隻三邊開了一對子,又成功過關....
開始好多人擁過來坐低,我見過左三關,就順推平注直到爆路...我又最低投注,但即時就有人一買就兩雞,唔緊要,路靚想嬴大係值得買的,但佢睇起我,吩咐我繼續睇仲話靚路係我拉出來的,所有人買閑,大多客人同意仲支持,我不負所託,, 一甩一公撞三邊,全部人打檯面...頂頂頂,整左粒出黎,又叫班長就就開六點.莊開一對三,又7仔當9仔賭,下局又起孖,買兩雞果位仲飛天六雞示意我繼續....所有人買定曬我又甩牌,一公撞四邊....成檯人叫吹吹吹...不負所託吹甩,起孖定過台油,結果順利莊一開閑嬴....到第六口,我買平注兩千,個個買定後,頭先飛天果位老友都落五雞示意我繼續...
但不如意的事終於發生了...就係有爬額水攪寸party...
有個大陸阿叔係出牌前買莊,中飛天位老友反應最大,閑由五雞加注至六雞,再買莊一雞,實行封左張檯唔比佢睇牌,閑牌吩咐我繼續甩,莊牌就要求班長撻死...我一甩一公撞兩邊,頂到行只得五點,馬上叫班長就就莊開少少點,結果莊又六點...成檯人有唔少鞋鞋聲,但我大聲打氣,要博牌要吉頭....個死僕街爬額水當然喪打張檯啦.....僕街啦,吉頭就即嬴,可惜起腳...輸左七成啦..唯有只寄望兩邊仲要喪吹....
僕街啦,忍唔到,出現三邊,九死二生,仲頂左粒出黎,變成九死一生...如果頂埋隻八,加埋五點底縮水至三點,我地全部即刻落樓,唯有吹下博唔即死啦...吹到了,撞7仔,縮水至兩點,條爬額水僕街就大大聲話..好收錢.....我就大聲插柒佢收你老味咩,莊博烏龜兩邊死......
班長慢慢出牌,個個齊聲打氣大嗌烏龜快快死....果然比我地嗌到,竟然就係兩邊4仔..莊密實....閑兩點又嬴,條大陸佬屎都滾埋,拍檯走人...呢鋪嬴得最精彩
由於出現唔好氣氛,好多買閑都收歛包括我只買最低投注,我身邊個豪客都只買一雞,但佢多買莊閑對子每邊一千,我就支持下每邊落一舊
我一甩,哎,兩邊撞三邊,訓緊馬路邊......唯有寄望莊開一對公仔中對啦...
僕街啦,一開就中左對啦,可惜係孖九,,我亦大聲說已盡力啦...路爆啦,我同身邊位豪客果局就無輸錢,因中對九豆住,有些無買對子的食龍肉都無味...
路爆啦,豪客都索住鬆人.而我就囉左杯茶飲唔落注住了...出牌了,莊定閑嬴都無睇,因為肚餓想搵野食....
就唔賭唱錢走人啦,唱五千蚊索左雞幾野唔走唔通等洗埋,好,飛的士出筷子基食包魚雞粥食飽飽番房訓,第二朝check out咩都唔去直去碼頭噴射返港
