李靜儀轟衛局遇賭場“腳軟”

控煙欠科學效果不理想從未曾處罰

李靜儀轟衛局遇賭場“腳軟”執行差不多一年的娛樂場控煙差強人意，從業員怨聲載道，議員李靜儀、梁安琪齊齊狠批衛生局執法不力，控煙無科學依據，效果不理想，要求當局盡快全面禁煙。李靜儀昨將矛頭直指衛生局長李展潤，稱控煙法雖為娛樂場設三年過渡期，但前提是空氣質素符合政府訂定的標準，場所不合格就應刪除吸煙區，但政府帶頭不遵守自己訂的“遊戲規則”。局方無法揭發及處理部分娛樂場“作假”，有些娛樂場吸煙區的空氣質素連自己檢測都不合格，但政府搞足一年，到現在都未正式罰到，還說最快明年一月才落實到，“呢啲絕對唔係叫依法施政！”驗完可異議何時罰李靜儀批評政府“怕賭場”，娛樂場承認空氣質量不合格，政府不單無即時處罰、取消吸煙區，反而覆驗他們是否不合格，“呢啲係乜嘢執法邏輯？最搞笑係政府驗完都唔合格，仲要話畀時間賭場聲明異議？真係唔明，賭場自己交報告唔合格，政府再驗又唔合格，仲有乜好異議呢？除咗賭場控煙，我真係未見過政府執法咁謹慎啦！”每家娛樂場都要依法自行交檢查報告，政府第一季覆檢結果至今未行完程序及未能處罰，貴賓廳又待何時呢？何時公佈結果，三年過渡期完後政府罰得未？前線人員執法困難李靜儀質疑李展潤作為醫生，知道縮減吸煙區可能令吸煙者聚集在吸煙區，空氣質素更為惡劣，為何不撤掉吸煙區。無論從立法原意、科學角度，縮減吸煙區都不合理，局方只砌詞掩飾，“我想請問你，喺呢件事上邊，咁嘅處罰係站喺公衆利益、公衆健康角度訂出來嗎？點樣叫人相信政府對住賭場唔會腳軟？”前線人員執法面對好多困難，被人質疑、鬧，甚至被人襲擊，但都專業、盡責完成工作，處罰室內違規者，作為上級豈能腳軟，是否對得住同事？“你哋畀人哋形象係‘驚咗博企’，驚到連個罰字都唔夠膽講，嚴重損害政府執法威信。”梁安琪：全面禁煙作為博企負責人之一的梁安琪亦說，娛樂場控煙一年以來成效不理想，部分從業員指二手煙比以前更勁，證明逐步控煙好無謂、無效，勞民傷財，“點解政府到咗依家仲堅持要逐步實施控煙法，唔肯實行簡單有效嘅方法，一步到位，推行娛樂場全面禁煙呢？”她強調，很多從業員都支持娛場樂全面禁煙，此乃大勢所趨，“真係唔好等到二○一五年先嚟檢討啦”。詢問社文司司長張裕何時才回應社會要求，聯合六家博企全面禁煙。