22/03(日)金沙遇拍戲，番攤現危機

話說週六日放假，早已盤算出城掠奪，偏偏諸事不順，心絮不寧。 自從上次從澳回港後，一直將現金藏於床下底，以備不時之需。 週六晚飯後正打算報關出境，卻出現第一麻煩事:老虎大人新買白金耳環離奇墮下洗手盤，搞到我立即變身通渠佬，尋幽探秘搜索黑麻麻管道，尋回飾物後已經滿目瘡痍，天日仲要跟尾換零件。 將離境心態壓下，諗住瞓醒先算，點知午夜兇鈴要應付兩個來電。心裡忐忑不安，決將本金降至四萬。 周日05:00勃起聞雞起舞捉雞去，敢說係勤力過攞勤工獎，06:00港澳碼頭照樣人山人海，梗有同胞拖筴在左近。見到牛嫂逢人問:"係咪要去厠所？" 先去金沙會出06:30飛，落船前無被查問過，到金沙08:00遇奇境，點解個中場被圍住，好多人出出入入。望真啲原來鬼佬拍緊戲。 有無明星我唔識，有件道具幾得意，一個巨型氫氣球，圓柱體狀升上半空，離遠淨係聽到呱呱大叫。 開戰第一段平均步速無驚險，早餐後埋檯即刻來料，吊吊聲直炸中帽4,5口，最後一擊淫曬老本出來，買左$25k。心態出奇地平靜，可能昇華到Let it go 階段，肯輸唔追數先可以長期作戰吧！ 在作了敗走準備後，連中兩口收復前失，感恩！ 即去取$200飼料券及$200泥碼，飯後繼續緩慢推進，約17:00達標兩萬,轉去七喜百家樂。 預本三千隻買莊，唔使十五分鐘變咗燶丁，唔順超再淫最後五千，呢次只買閒，唔使十五分鐘追番曬。呢款賭戲應該用咩策略真係未有心得！ Cash曬結算羊咗兩萬一，打咗81分，走去高額區客服了著數，問我要唔要房？我未住過金沙房，但係我要咗$300飼料券，因為要早啲返歸。 總結:來回船飛普通位，$200食券，$200泥碼，$300食券，勤工獎$21000，滿足咯，淨係出番食過超額的及交通費。返歸補交通關費用及捐助小小慈善機構嚟積福