21點奇遇……

今朝早左起身就係威記坐發財車去金沙諗住去飲個茶，落車手痕行入去行轉啦，平時都玩開8+6既我,吾知咩事無lala對21點好好奇，但又吾識玩。。。


新仔試玩當然想細細地試下，琴日係威記玩左轉無輸贏算執番身彩，吾識死新仔坐尾門haha，玩左幾局d人就走曬，500蚊學費覺得吾扺俾就無再玩，


講番今朝，上左金沙，見到有300蚊21點，平過威記就睇下咩境啦，尾門個阿叔幾好牌，下下19/20點，個莊係咁自爆，咁岩二門有人企起，我就坐埋去，試左幾局300都得手，之後加注600,一加就黎10+4，最對莊5面，死就死，博佢老尾，屌，黎多隻公爆左，之後無人拎牌，莊都係兩條公爆左！

坐我格黎個阿叔就同我講:後生仔吾好係咪都博，博吾博牌吾係只係睇自己咩牌，仲要睇埋個莊，吾係話馬後砲，呢個case呢個莊拎鳭住隻5仔，而你又拎住d屎忽面，姐係12-16點果d牌呢，老虎西都吾好鬱，個莊無得揀架麻，2-6點個莊都易爆架，俾個莊博到都扺輸過自剎麻。


聽完阿叔咁講好似幾有道理就繼續玩，又黎多10+4點，莊今次公仔面，阿叔就馬上同我講:拿，依家我15點屎忽面，而個莊就係公仔面，是鳭但拎隻7都夠剎你，所以我就會劃左佢，輸一半都好過輸鳭曬麻。係呢個時候我先知可以扯白其輸一半。。。所以我就跟扯，最後莊拎多隻公仔面！


阿叔不停係到教我路，有局個阿叔拎住5+6 11點，莊拎6點面，個阿叔就同我講:依家我牌面靚過莊，呢d case吾加注仲等幾時呢，加注之後阿叔拎A,我問點解吾博，原來加注只可拎一隻牌，阿叔話:就算拎咩牌面都係我高d,拿！你睇公仔面啦，公公公公，之後出多隻8仔莊爆，又收錢。


阿叔贏到咁上下就走人lu,
我都差不多起身去飲茶，
玩緊果時坐頭門有個阿嬏係咁輸，
見佢都輸得7788,唱錢又輸，不停買對子，之後我走之前果局佢拎兩條A,
要分門啦，但原來佢輸淨300碼，
佢就叫人借碼，話d錢係酒店房，
趕住搵屋企人就無睇點發展。。。
有無師兄試過最後一注咁岩無錢係身又要分門，呢個情況可以點解決