18歲賭到而家45歲

由16歲第一次跟家人去澳門，因生得高大已可以偷雞入去，當時只識玩大細，就係咁就開始左我一生賭……第一次入場用左200, 已win1500,好開心，賭原來咁易揾錢，跟住就開始一生惡夢！當18歲一到，即揾同事一齊去，人工有成9仟，當時已相當好，屋企又唔駛點比，只比2仟，戶口有3萬，所以講係無憂無慮，其實只係想大家知道賭係一定冇發達，好似我咁係樣板一個……再講下，4年後，全部安定曬，冇數，冇咭，月入萬伍，份工做左7年酒店既會計文員，應該好好至係，但條賭引又走出來，賭馬，去澳門，記得破產後第二年，收到信aeon再批咭比我，即要批5仟，再申請多張安信visa, 又批8仟，就係咁又開始有咭數，頭二年可以控制到，到第三年，每張咭加額去到3萬，2張6萬開始吃力，再問D2線財仔迅達，及時雨又借左幾萬，又過10萬數，唉……乜心機都冇，又唔可以同老婆講，一定唔得，應承左唔會再咁，都晤知可以點，但又有人救左我，一個離左婚既女同事……