點解我咁爛賭

咁多位ching好耐無見, 唔知大家仲記唔記得我曾經出過post係永利用一萬贏44萬既經歷, 之後將所有債務還清, 仲話自己以後會唔賭錢...
還曬錢仲有閒錢買錶, 仲同女朋友結埋婚, 生活都算安定, 點知過左年半左右, 又開始沉淪, 又再開始欠卡數...
咁岩有個機會今年開始過左澳門長駐工作, 每個月既糧除左還錢, 差不多全部俾曬賭場...
直到7月16日夜晚, 個天又再俾機會我, 果晚買閒開閒, 買莊開莊, 2千本可以贏到無人信既33萬~~~我帶住33萬離開賭場, 一返到屋企已經諗定點樣還曬d錢, 再係澳門買架車代步, 再俾幾多老婆咁~~~我亦馬上將呢個好消息whatsapp俾老婆~~~老婆開心到死, 仲話即刻過黎拎走d錢, 跟住我話唔洗啦, 星期五我拎埋返香港咪得lor~~~
到7月17日夜晚, 我拎住3萬諗住慢慢玩, 當輸返少少俾賭場買個娛樂, 點知唔洗10分鐘洗袋, 跟住返屋企諗下諗下, 不如拎10萬去贏返3萬應該唔難掛...一去到見好路買2萬中, 心諗起過孖4萬即走, 點知輸...唔信邪黎多舖4萬, 再輸, 3舖牌10萬變4萬...最後再輸兩口, 十萬又玩完...
當時如果停手, 屋企仲有20萬, 夠曬還錢有突, 老婆見到少左13萬都係鬧兩句就算...
人就係咁...返到屋企一次過拎埋20萬同佢死過, 心諗贏夠100萬老婆實開心死, 結果全部輸曬, 再係戶口拎埋生活費1萬出黎, 再輸, 再禁信用卡, 再輸, 輸剩全身得返$370...
我好後悔...好後悔...好後悔...再whatsapp呢件事俾老婆知, 佢崩潰了...
我諗應該有ching明白我而家既感受...寫出黎都係訴下苦...