非常幸運的一天

本身並不太好賭，以往都只系過海行下順便一、二仟玩兩手，通常一、兩鋪豬羊都走，而且都超過兩年冇過海！
呢排屋企發生d事心情極度低落，尋日忽然唔知點解發咗癲㩒咗22張伍佰，$160買張船飛去氹仔，到步坐發財車去威尼斯人，喺枱換咗十個一仟，跟住搵枱，見到有張對上十幾鋪一莊三、四閑，啱啱開完莊，跟路估佢開閑，一雞嘢All In，開牌一只電視機，一只3，心諗賴嘢，點知莊開一只電視機，一只2，大家再搏一只，屌，我又系電視機，到莊開都系電視機，險勝，索一雞即走，之後去官也街食埋個木糠蛋糕，就行返銀河坐返發財車去氹仔，等車時買埋船飛，頭等$120，全程喺馬交兩個幾鐘，快閃走人，夜晚返到屋企d嘢有戲劇性攪掂埋，真幸運，純粹同大家分享！