阿添的故事第5集

阿添阿偉3口輸18000, 手上得番幾千碼, 阿添睇到阿偉面青青, 相信阿偉望阿添都系差唔多...2人坐在帝王點心叫了杯野飲, 先開始清醒過來, 阿偉問阿添點算。

阿添冇回應, 飲完杯野, 先望住阿偉講, 呢幾千蚊我地過3關, 然後就閃。 阿偉眼大大 同阿添講你甘有信心? 阿添反問有咩主意? 阿偉又冇野講。 其實大家都知要過3關先勉強追回大部份本錢, 輸小當羸。 阿添叫阿偉攞埋2千搭左一起, 連自己共4個一千碼大聲拍在桌上, 同阿偉講 等陣一定要精神, 等最好路而且2人心水都岩 才可下注。。

阿添再叫杯奶荼精神下, 拿住4千碼遊臺了。

走到一臺, 2大2小3大1小, 呢D路當然心想買小, 但都冇買, 2人十分僅慎,叮叮叮開小。。阿添吸了一口氣,問阿偉ALLIN 小OK? 阿偉話好。4千拍落小度, 叮叮叮 2,4,4小。 收番8千。阿添叫名偉唔好急, 再慢慢等機會。

2人好快又搵到一張5小1大2小的臺, 阿添提議ALLIN 小, 8千碼推去小, 吸了一口氣, 叮叮叮 1,1,2小, 又中!! 最細的小!! 收番1萬6, 這時阿添才呼氣...呼.....好..還有一關! 現時路是5小1大3小, 阿添話再買多次小, 阿偉叫等陣...猶豫左一下...好啦 佢竟然講死就死啦!! 阿添心諗阿偉搞咩甘冇信心, 全部1萬6籌碼大力啪一聲小! 叮叮叮, 阿添阿偉也不理旁人了, 大叫 小小小!!! 小!!!!!! 阿添見到點數很小, 好似又系1,1,2...再望真D, 原來1,1,1圍骰...當然要再ZOOM近D睇清楚...真系1,1,1 ...但阿添仲未死心, 有理冇理即刻大叫壓骰(各位在威記同金沙城賭過都知, 有時骰子會不平, 有時一個搭住一個, 最後是唔計的), 立即叫SUPER查查, 我再睇睇...撲街有冇搞錯...全部骰都平...SUPER走埋黎, 話冇壓骰, 阿添死話呢粒骰不平...明顯是壓骰, 點知SUPER叫荷繼續...就收哂臺上所有籌碼, 然後蓋番埋個骰鐘....