輕鬆賭變焗住焗最後好鬼攰

来源：原創

作者：凹凸曼發表日期：2015-05-21

好耐無開帖，但攞今次之旅傾嚇

原本8/5星期五晚放工過銀河玩嚇，雖然有準備行裝過夜，但係無問公關預先定房。

1900船，2040已到銀河高額廳。公關見我一黎到都笑笑口歡迎，可能最近無乜客，順便扮哂蟹哂問攞房，咁佢當然話未有分喎，今晚攞房d分比較緊。心諗，見人地攞幾千打老虎機都攞到喇

算，反正贏錢緊要，無房咪回巢囉。

玩咗約2個鐘，最多下水2雞幾，又見打唔上，又累，最後見捉到1隻雞，咪走囉。走前叫公關攞房，佢竟然話有，咁當然要喇。

噚日瞓醒，早餐無食，攪到12點幾退房，諗住食埋嗰100蚊餐券就走 (而家每日只能換1張)

周圍行搵野食，最後諗住去(好似叫鹿港)食，路過300枱見到有路，咪玩幾手先食，第1舖中，之後幾舖都死，唯有追喇，咁就1玩就玩咗4~5靴牌，轉咗幾次枱，細細地玩嚇，1~3000不等，最終4點幾見贏多雞幾，即刻去食豬手煲，白飯，加個雪糕甜品。到6點到上到發財車，當時落大雨又無傘，等開車期間就接到銀河公關打黎，問要唔要房呀，免費送比你，見你噚日有攞房又打夠分，一大餐廢話，又見落雨，好喇攞房睇波都好。但臨收線前話，打夠80分就得架喇。心諗，又話免費，小喇叭。