賭咗十幾年的自白

小弟今年三十八，賭權未開放已經開始過大海，初是玩好三五百大細，試過葡京玩六蚊老虎機贏咗萬幾蚊，還記得比人抽咗一千蚊水，輸錢佳因贏錢起，重此改變我一生

之後幾年，我貪賭場著數，貪房，餐卷，船飛，我可以講，我免費住過威尼斯，金莎，四季，銀河，大倉，金沙三間，新濠三間，全部為咗儲分換房而賭！百家樂，輪盤，加勒比海，老虎機,廿一點，.....乜都玩！早幾年真係好容易攞著數，金光船飛又易攞，頭等十足飛機餐，Pizza,熱狗杯麫花生屈臣氏蒸溜水，依家得包钜記餅！不知不覺我已經儲到金莎紅咭，新濠王簪會，銀河銀咭了，去四季玩又可以入禦匾會食午餐，感覺比持著金唔的人高一人等, 幾年前一收工無嘢做就過去，識咗兩個鐘意R著數的志同道合，佢地有貨D，上落一二千我搭三五佰囉！又試過一排玩輪盤買紅黑各二仟再玩心水幾個號碼希望快上分，開零通殺唔出奇，連開三鋪零我輸成雞，加勒比海當年還有二佰蚊枱l，最叻拿四條但唔成局，兩對又比莊大過我經常有，過程唔講咁多了

我份人工當時得一萬，最衰我做行街Sales成日有現金渣手，一有錢就過去，輸多贏少，之後交單無錢交就碌自己信用咭，好快碌爆了自己兩張咭十幾萬，借財仔博番身，換嚟不能自拔，最終零三年破產!四年好快過，亦重未戒過賭，往後幾年又去攞埋自己強積金十幾萬去賭，輸曬了就打我兩個細佬主意，用佢地名申請完一張又一張信用咭，帶埋佢地去UA,Promise,我真係好失敗,去到欠廿幾萬爆煲了，親戚借咗十幾萬幫我清UA,幾個月後UA又寄封信比我不用批核借幾萬！.....待續