買自己個位都俾個女荷官話

今日試過坐1張枱, 1號位, 買1K已可睇牌, 但之前睇牌唔得,

見3號旺, 咪俾3號睇, 如是連中2舖, 之後冇買,

後來啱路買一舖莊2K, 又係可以睇牌, 我都話俾3號睇,

點知個女荷官係出牌後, 就理直氣壯咁彈一句出嚟,

佢話 :　唔睇牌就買擲界啦！！！

我即時反應話　：　買自己位有咩問題？

我真係即刻想小佢，又唔係妳俾分我，如果我買擲界，

班長睇唔到，當我冇買冇入分，咁點先？

但當時我諗，賭錢動氣不利，而３號位又睇緊牌，咪算囉，

結果　：　閒５＋６，　３號　莊３+Ｋ

閒再搏隻公，　妖！我哋就真係嚟隻３邊７仔

真係火都嚟，　俾個荷窒住曬！！！

結果即時要彈離枱做指定動作：

飲嘢唞唞，去厠所，離開賭場行個圈先再砌

結果都好彩追番，小勝８舊，廉價勞工