第一次去澳門賭場個人感受(不喜勿插)

前幾日第一次同GF去澳門賭場,我地都係唔賭之人,只係去澳門旅行點都要當娛樂玩二手,我地一開始連點樣落注都唔知,係後面見人地玩左幾局之後我地就亂買幾鋪,以前有D 前人話賭仔真係冇運行,賭既都唔慌好人,呢次感受好深,短短係買莊閒100蚊臺度玩左半個鐘,已經遇到三個僕街,
第一個僕街,就係一個40幾歲既肥婆,我gf坐左佢隔離,頭一局她笨手笨腳,唔識點買,之後個死肥婆就一直留意住佢,之後我地嬴左100蚊,個肥婆就對住我地講話嬴左啦,我gf年紀又細,又好開心咁叫,然後個肥婆知道我地係新豬童子手, 之後幾鋪, 你話我多心都好, 跟本就係擺明跟住我地買, 我地落100 佢就跟住落1000, 再嬴二鋪我就拉左我條女走, 你話我小氣又好, 迷信也好, 總之就係睇個肥婆唔順眼, 冇理由咁樣益佢, 之後轉臺, 個肥婆就啤到我恆曬, 過左對面另一張臺, 然後玩左冇幾耐, 佢又趁多人轉左去我地正對面既位置坐....

呢D都算數, 人有佢地既自由, 冇幾耐又見到一個金晴火眼四周圍望, 一睇佢個樣就知道放數既古惑佬, 我真係冇估錯, 話口未完就有個四眼大陸佬 (已經印堂發曬黑) 係佢隨離囉錢, 放數佬幾千幾千咁比, 條四眼大陸佬幾千幾千咁買, 一二局之後大陸豬同放數佬唔見左人, 條放數佬後來又再次出現, (大陸豬已經唔見), 之後個放數佬就走黎聊我地講野, 我話唔駛啦 唔駛啦, 冇幾耐佢走左, 又番來聊我地唱錢 (仲唱乜錢 佢都癡線),之後冇幾耐, 又有一個大陸佬聊我地講野, 又話呢局一定開乜野乜野, 我地冇出聲笑一笑算, 佢就夾硬囉我地個籌碼話要幫我地落, 我即刻拉我條女走....後來又見到條友係度幾千幾百咁樣"派"比其他人......

短短半個鐘就咁多人係度搵食, 其實我諗過, 我同我女朋友個樣都咁新豬, 都唔似係賭開錢既人, 有冇理由搵我地. 不過冷靜D 諗深一層, 佢地就係想搵我地呢種新豬, 想教我地賭錢, 氹我地借錢....... 最後咩後果, 稍為肯用腦既人都知道....

所以真係奉勸一D入世未深的年青人(本人已30, my gf is 24), 去賭場真的要小心, 有陌生人兜塔你, 真係一句都唔好應佢地地, 打下手勢拒絕就好, 呢D人唔係人黎, 真係問佢地一句, 佢地都會釘住你