百家樂睇路

百家樂玩佐二十幾年，試過無數方法，結果都系輸。 結論：玩百家樂睇路賭、自由式，輸硬！！！

近幾年試佐幾種好機械、好蠢、好悶既方法  - 賭固定格式，間唔中去玩下，暫時都work.

遊台式：

1、睇暈所有既路紙，多以黐3-4個後跳，或跳3-4個後黐，方法系：遊台，見到3-4口黐，以兩式纜形式買跳，或見到3-4口跳，兩式纜買黐，輸贏都離台（切記：輸佐唔可以追），繼續搵3-4口黐或跳投注，呢種方法順起上來好快夠數走得，輸都好有限，但係好多時候會拉鋸，上上落落。

2、百家樂一條大路，三條下路，本人比較習慣參考大路或小路，如果你識下路，你可以留心觀察下，百家樂小路藍筆多過紅筆，呢個系我計佐500張以上路紙既結論，我估大家都知道，百家樂爛路多過好路，亦即系藍筆多過紅筆，當一shoe牌爛路，一定系小路藍筆多，多數人贏錢都系贏在小路紅筆，即系齊齊整整既路，或有規律既路，例如：長路，單挑，兩個兩個，三個三個，一個三個，一個兩個……等等，黐下跳下，又三個又兩個，想唔輸都好難，但係百家樂系呢種pattern最多，即系之前講既藍筆多過紅筆，爛路多過好路，所以D人輸多贏少。所以我既做法系：遊台觀察，當睇到靚路爆路後（即系小路黐佐兩粒藍筆），開始切入，買兩口或三口藍筆，過孖寶或者三關，或者平注買幾口，輸贏都即走，再搵同樣既機會投注，即系賭小路長藍，小路長藍（頭5-6粒）多數都系殺人既路，你響賭場應該成日聽到D人講”頭先靚路贏佐唔走，爆路輸番曬“，就系俾D小路藍筆殺佐。

坐台式：

1、賭固定格式，例如：莊閒閒、閒莊莊、莊閒閒莊閒、莊閒莊莊閒莊……任意你點寫都得，然後照住大路開出的結果做記錄，等到格式輸佐5-6口（如果你有耐性可以等到7-8口），然後以纜形式落注，本人建議4-5式，可以1-2-4-8或1-3-7-15，自己睇送食飯。當然任何格式都有死穴，但系等虛輸多口再投注，安全好多。

2、專賭小路一藍兩紅或一紅兩藍格式（如果你識寫小路既話），當然你也可以用一藍一紅或一藍三紅格式，隨得你鍾意，當大路開出第三行既第二粒開始做記錄，等格式輸佐3-4口再落注，纜式注碼同上。

以上方法如果你睇得明，就慢慢消化下，再想清楚你是否夠耐性及毅力做到，唔夠班，做唔到，唔好試，輸硬！！！

尤其系坐台式既賭法，你好多時會俾好多因素影響你既情緒，尤其系見到好路時個個贏到笑，而你一個人坐響度等格式出，仲有有時一shoe牌你等好耐先有兩三次投注機會，真好悶，好難受，你可唔可以做到坐視不亂，堅守原則呢？ 仲有，賭格式唔可以太長時間，時間長容易碰到死穴。

呢D方法我玩佐幾年，暫時都搵到雞碎咁多，但係唔guarantee你一定得，更加唔可以發達，以前輸佐既錢你已經贏唔番啦。

但係我可以同你講，等過多幾年退休後我會用呢種方法過日神。