海記 之 神運
前排喺COD輸咗2雞，之後買波又唔掂，決定休戰3星期，期間同人打嚇麻雀吊癮，星期1見時機成熟，深信最壞嘅情況已過去，就決定小帶5500去海記探路!
3點船去，大約4點3到，指定動作先交個水費再遊台，見有台4莊1閒1莊無人玩
我自己買500第2粒莊試嚇，叫閒開先，8點，心諗唔係咁撚黑呀，點知我睇4邊9+公，見有運，夾疊買1400第3粒莊，呢個時侯其他人可能覺得好似已成路 (4莊1閒2莊)，突然坐滿人，我繼續睇，又贏，之後再買1800第4粒莊，而家已經有3疊人喺企位，我繼續睇，又贏
眼見4莊1閒4莊，唔買，得2個企位買莊，結果閒8點贏!
我2話不說又買返莊 (之後注碼都好細，大約1000~1500左右)，無人敢同我搶牌睇，班長醒水鋪鋪直接派牌俾我，結果又連中4口莊!
之後又唔買，凸第5口莊，繼續唔買，果然凸腳殺開閒，4莊1閒4莊1閒5莊1閒，之後我又睇返牌，又連中2口莊
第3口，我有少少唔啱feel. 決定唔買，全世界都叫我買，我話唔買，又叫我幫手睇牌，我話無買廢事睇啦，點知全台無人敢睇牌，跟住就攪笑，有幾個阿叔跟我買，次次都萬幾蚊一口嘅，佢就拎住7個100蚊散碼，放喺我前面，再擺上莊，笑笑口同我講: 哥哥仔，你係我吔3軍司令，你唔買好多人都唔敢買，你幫手繼續睇牌，贏咗嘅話呢份就係你嘅!
當時我有d唔好意思推，只好笑笑口話: 哦，好好，咁多謝先。結果又贏，抽埋水無啦啦袋多1365，之後就講聲多謝老細!
後來我見已4莊1閒4莊1閒5莊1閒3莊，覺得前面凸1粒莊，呢一拍可能縮1粒莊，本來又唔想買，不過見個個睇我頭咁，係咁意買800莊，結果真係開閒
呢口係今日輸嘅第1口，但我見今日已達標 (本來只求3000~5000)，決定起身換錢走人
換完錢經過望一望，哈，真係邪，癡咗2個閒，頭先d人認得我就同我講: 嘩，你一起身就爆咗路呀！早知跟你一齊起身啦，輸返口大嘅! 我唯有苦笑，再講聲贏多d就回hk!
到走時都唔敢相信今日咁好運，更唔信自己輸一口錢就走 ，諗落張台好似為我而開咁，好耐未試過咁好運，雖然無推大口錢，但已心足了!
P.S. 由於眼見本版愈來愈多膠帖，本人都考慮封筆，唔再分享包膠了
