有師兄問有關21點既心得，大膽同大家分享一下，請大家理性討論

在另一則 post，有師兄問有關21點既心得，
因近幾次玩21點都大有斬獲，所以大膽同大家分享一下，
亦請大家理性討論一下，比D意見，
但請大家不要發起罵戰或粗言穢語......(雖然我覺得並無不妥~) 
免得又遭管理員刪帖、扣分、禁言......(始終「管」字兩個口也！)

我以前玩21點都係輸多贏少的~~ 所以都有幾年無乜點玩了~
但近呢半年黎，幾乎玩親21點都贏...... 而且仲要贏得好勁下......
永遠$500起步，竟然可以贏幾萬~~ 
我自己都唔係好信！

我唔敢話自己好識玩，但有幾個概念一直抱持住：

1. 贏開就一定要加注，贏既就繼續加落去...... 加到輸果鋪，就再由$500起過步~~

2. 莊爆開就要贏盡佢！莊家如果4,5,6仔面，一有機會就要分門和加注；
   個勢夠強既話，孖公、孖5都照分門，摣5,6,7點亦可加注，總之要贏盡佢！

3. 莊家如果連續三鋪唔爆，或煙、公面，就即刻改變門數，
   例如玩開一門就開多門，再唔掂既就再開多門，開到個莊鋪鋪chance面，鋪鋪爆......

4. 如果莊家三鋪以上chance面都搏倒21點，就係時候停幾鋪了...... 
    如果張檯得你一個自己玩，就只好轉檯了~~

5. 旺時可買下對子，1賠11，幾和味的！但絕不可以鋪鋪買，
   對子雖然1賠11，但肯定不可能每11鋪開一鋪，鋪鋪買一定是負數的！
   但如果連續幾鋪買就唔開，無買果時就開...... 果晚就唔好再買對子了~~

6. 自認覺得自己叫做算識玩既，就一定要坐尾門...... 你不能阻止其他人坐埋黎，
   但如發現同檯有D亂咁要牌又唔識分門加注既傻仔，
   一係就教下佢玩，佢肯聽既就同佢一齊合力作戰；
   但如果佢唔聽既就一定要轉檯...... 否則遲早一定被佢累死......

7. 很重要既一點，坐得同一檯既，大家就係同一Team人，要共同進退，
   最好要牌唔要牌時大家有傾有講，大家合作對付共同敵人 - 莊家！！
   如發現同檯有不合群或自私精，我會禮貌地停玩多鋪...... 
   果D人一定好快輸曬...... 佢一走，先好再落注。
   但如果佢大把貨，由佢啦~~ 只好自己轉檯！

當然，以上所講一切，可以完全係廢話！
講到尾......始終，賭錢最重要既係「運」！！

有運時，希望以上方法可以令自己的運勢持續下去或KEEP耐D~ 希望贏可以贏盡D......
沒有運時，就什麼方法都救不了~~