有位CHING打左一段說話勸我唔好再賭,分享一下

以下係佢既說話

我真心勸你唔好囉呢D錢去玩百家樂,因為我係研究百家樂過來人

其實我唔識你,我冇必要咁打咁多野,但係你有心既就睇落去

兩年前,我是一個研究百家樂既人,依家睇番我真係好白痴,係度浪費時間,我用過好多方法,數唔清既測試,數唔清既小時,自己用手派都起碼一萬手以上.全部都係輸............

百家樂既人一開始一定會玩纜,記得一開始我就係玩九式直纜,好開心,因為我用手派左好多手,羸多過輸,即刻去澳門,點知愈玩愈多,最後輸

之後又用左好多唔同既方法,有一個深刻D,就是「上限」,我係度諗,其實長庄長閒有冇上限架呢,因為我最多見只係開26-27個庄/閒,未過30個,於是追上限,見到20個庄/閒,就用直纜追,最後,當然又係輸啦

我又諗,邊度出錯呢? 最後我從玩百家樂既人都唔願意面對既數學着手,明白左輸係一定架,果D計算我唔係度顯示啦,怕你敬而遠之,你有興趣既,我可以展示算式, 然後我希望你諗下,同樣係賭場既GAME,點解21點有人用數學方法羸大錢,而百家樂一直冇人羸到?

都唔可以話一直百家樂冇人羸既,以前曾經有一段好少既時間,可以用數學方法擊破百家樂,就係用2-3%回扣既泥碼,玩賭場只係佔優1%既百家樂,咁每一次下注庄,你可以羸1-2%,長玩你就會羸

不過賭場知道左之後,就封左高回扣既泥碼,

要知道21點如果跟基本策略玩,賭場只係佔優0.5%,所以又有一段好少既時間可以用回扣0.5以上既泥碼羸賭場,不過賭場知道左之後就封左唔比泥碼玩21點

我講左咁多,都係想比你知道賭客同賭場之間既數學比試,最後都係賭場既勝利,所以真心希望你唔好用咁多錢去玩百家樂,最後一定會輸架,你咁辛苦做野既錢就白白比左賭場?

我知你呢一刻既感受,因為我係過來人,我只係唔夠幸運,當時冇人提我

如果你介唔到賭,就玩poker啦,起碼真係賭台同人公平較量,但係真係唔好玩百家樂啦,