戒賭了 迷途真知返了

自己最大障礙 始終學唔曉跨唔過 
次次上哂水唔識止蝕 
跟住大注心水輸左唔會走 輸開就開始輸
輸到冇哂仲要拎提款卡玩埋佢
剩番碎注都要打老虎！！ 

賭錢贏幾多都冇用
人始終唔可以十成理智 
叫自己冷靜左幾個鐘果陣既結果好滿意 
一動火三兩個字就贏多多都俾番佢 
魔鬼總有方法迫您動火

始終贏時推極都有限錢 
輸就是無限遠 
賭錢真係一種深淵

我一直入賭場覺得個個賭錢都神態自若
點解？究竟係咪只有我禁唔識賭？
其他人真的搵到食？

初入賭場贏錢是引您入局 
我今年三月先開始第一次
開頭時 我也贏到擁有過一大疊金牛風流過活左兩個月
來回坐的士 當錢唔係錢 食貴價女女 換電話 周街食 
仲有大把錢剩全部係贏番黎
我果陣同fd講過 對於錢好似完全冇哂感覺 
一萬幾千隻在間
魔鬼來了
直線插水後 宜家借緊ua定期加循環共三萬蚊
上個月仲屎忽痕申請加大個借額 只為左再賭

今日又先贏後輸 我服了
我唔玩了

澳門賭場我真係同您講拜拜！

我知勸人戒真係冇用
因為我之前冇得週轉停左排
最近再借完睇左好多師兄分享
一直掙紮左好耐 真係有諗過 算啦
最後都係鬼頭鬼路去左賭
我們都明白賭呢個心癮太大了！
希望各位唔好借錢賭 真的
借番黎既錢真係邪到喊的
而未借的朋友 我相信再賭也離此路不遠

賭場真係有鬼的 呢隻鬼仲要唔使現身都足以令您死！

我服了
我甘心再幾個月好慳的日子
有錢我將用非人方法令自己唔再賭
當然我也會繼續過還債生活