我的兼職賭
今日係我第三日既兼職賭，一放工即刻帶3500 精兵去上環同牛牛買左6點3，估唔到今日閒日都要180蚊好貴，之後因為大霧既關係，六點架船延遲開，排後補位落船，係坐緊船既途中，我忐忑不安，因為之前已經連贏兩日，不過我同我自己講既然落得場就唔好怯，一怯就輸成世 落船後即刻去美高梅斬殺獅子，入正題，我同班長唱左3000，諗住輸哂都仲有500蚊搭船，之後即刻行六口平注法，跟住玩家樂仔，先贏一局，之後不出所料，全程下水，中間有輸有贏，但係一起孖就輸，得返1500蚊，之後又遊下枱，見到有張枱好多人圍住以為有運行埋去，跟大隊買莊，閒先黎一隻公，莊都係黎隻公，閒再黎一隻4補隻7得一點，莊黎隻三，諗住實食沒癡牙，世事往往就係咁，補左隻7，輸埋，得返1000蚊，唔緊要，再遊枱，俾我慢慢打返上去3800，再遊枱，玩大細，買300細，結果買細開大，再去玩鬥大，買300試下運氣，張枱有三門，我坐第一門，一派牌黎一隻方塊3 激到血都噴埋，算數，去玩其他，去左張廿一點，落300，第一局輸因為個莊好硬頸死都唔爆，既然係咁，好，買埋你果門，一派牌，第一門黎兩對6，尾門黎2隻煙屎，莊黎一隻五，既然係咁孖6都分，結果又黎一隻6，因為錢唔夠沒再分，博一隻拿左隻公22點爆左，另一隻6博左隻公，之後隻煙屎一邊21點一邊19點，個莊爆左，之後有人見到即刻圍埋黎玩，第二局，我只係買一門，600蚊注，輸埋再遊枱，中間有贏有輸無乜上落，大約都係3500-3800。
Part 2
直到搵到張龍7枱，張龍7枱係新開既，我一去到已經開左三局閒之後3局莊，我見到有個丫姐舖舖買1000蚊龍7，心諗:嘩買到咁大，癡鬼線，邊有咁易中丫，好，唔理佢500買一局莊中左，500再買一局莊又中，好，繼續平注買，奇怪既事就發生了，閒黎一隻公再黎一隻細牌，莊黎隻6，一隻4，閒再補一隻公，大約都係四五點之類，莊再黎一隻7，中左，個丫姐中左龍7，賠左四萬俾佢，我心諗算數啦，開莊都好，有500執，點知個班長話俾我聽原來開龍7係唔賠莊閒好，算數，再買莊，加多一百蚊龍7，個丫姐又繼續買1000蚊龍7，聽佢講，佢好似之前係其他枱買龍7，輸左萬幾蚊，宜家贏左執返身彩，好再黎一局，閒好似都係公三，莊就黎一隻公五，閒再黎一隻公，到莊啦，個丫姐又甩到一隻2，又中龍7，個丫姐又贏左4萬，不過我都唔差，我都有4000執， 真係開開有條路，無呃你,之後再黎一局500買莊，加100蚊龍7，不過呢局係閒贏。
Part 3
好再搵其他枱，呢個時候已經係全日係MGM 既最高位本利和7800蚊，黎之前心入面已經打算如果有幸贏到7000蚊，將會拿1000蚊試下爆上去，結果都係唔得，贏一局，逢推必輸，最後六千蚊坐專車返碼頭走人，係呢一程車既時間，我心入面已經冷靜左落黎，(一程車的時間足以改變你既輸贏)，心入面有個打算，就係好似第二日咁，用幾百蚊去海立方玩3公，一入到去搵左張三公臺，原來閒日只需要100蚊注，認真抵玩，咁我坐尾二果門，唱左400蚊，講都唔信，我發生左連贏十多局，總之有投注都贏，仲要次次都係贏個莊一兩點，之後十多局後我大概本利和有3千幾蚊，之後再玩一局百家樂300蚊注又贏，廿一點買對子又中，但係有贏有輸，最後本利和4020蚊走人，你諗下嚴格黎講只係200蚊本金都可以贏到3600蚊返黎，足足係18賠，所以幾口平注真係可以過四叔既生活，但旺起上黎就要起孖，當然我又唔會大大注咁買，因為我個人黎講係小注怡情，享受慢慢贏既感覺，所以平注都可以贏到大錢嫁，總結今次黎講我大約係本利和一萬
