多謝澳門的士佬/各師兄選擇走定留?
来源:原創
作者:解釋浪費口水
發表日期:2014-07-28
內文會比較長.
事原22/7即興同位友人過澳門玩2手.
原定夜晚10點45分船去3點回程.因友人需要返工
當然結果最後就玩到7點先回程..經過6個鐘洗禮實在太刺激
原定去十六浦玩排九.當然去到12點已經無專車.因而見到威尼斯專車就上左
去到因太肚餓想先找餐廳.但因感覺太貴.因而賭幾口.連中3口莊.即食野.
食完惡夢開始...仲知有贏有輸.來來回回到2點40分.當中最好笑係3分鐘內輸左$4000
3分鐘內輸4000事原友人以為張台係21點.原來1隻鬥大細.極速無左4000
最後輸到得番$2000.之後想回程.因當時已3點30分.出去搭的士條友開價$100先車我地去外港碼頭
當然我地無搭.就行去金沙城到轉個圈.各自開始拆夥玩..就係因為的士佬無車我地走.從此翻身
真係唔到你唔認命.幾鋪百家樂推幾口.追番2萬.有鋪連推3口閒1+2: 3點 我就2公仔
之後閒開多隻5點.我心諗唔通真係吾比我翻身.之後1黎4邊..好彩吹甩左 即收.因當時大家買閒
最後友人都玩加勒比海追數成功.因而7點回程..真心多謝的士佬開價逼我破釜沈舟
作者: 凹凸曼
回覆日期: 2014-07-31
忘記澳門有的士吧,深夜不要去太遠地方,預早籌備行程,預多d時間坐發財車/巴士。的士佬睇死實有爛賭暴發戶上當,如賭場荷當賭仔“爆察“(笨柒)般,所以搞到咁。計“麥記“齊齊擺食後,擺搭澳門的士。
作者: Crystal_gaga
回覆日期: 2014-07-30
近一年覺那邊的士佬悪左好多, 一次在金沙想搭去港澳碼頭(2345趕搭2359的船), 的士佬話行去都得啦, 唔載. 又有一次在新葡京附近上的士去金沙, 的士佬話三分鐘到囉喎, 想唔載, 我即刻萬梓良上左身咁嘅表情聲線話:" 你三分鐘行到去我切!" 的士佬幽我一默, 唔係行路, 我話車程...... 佢怯於我那萬梓嘅氣勢, 勉強車左我去, 途中仲講: " 業界好多害群之馬, 亂咁來, 而澳門無拒載呢條例, 政府又唔肯立法, 我都想佢立法呀...... "
作者: 崎崎F
回覆日期: 2014-07-29
唔好以為的士佬唔食飯,呢班師傅都係賭棍一族!!
作者: 阿江
回覆日期: 2014-07-28
塞翁失馬, 焉知非福, 命運就係咁架啦