多謝我個friend遲到!!
来源：原創
放工約左朋友八點在澳門食飯, 諗住五點半船過到去玩一兩舖之後搭車, 點知上左船佢先話要再遲少少要九點, 好啦咁唯有改行程, 玩耐少少先去搵佢, 慢慢行落船, 慢慢行出關, 買埋電話卡, 差唔多七點, 貪近去左海記, 無特登搵, 求其座低一張就換錢, 萬八蚊, 上多落少, 最開心係因為心血來潮, 第一次買對子, 即中, 買二百收二千二, 之後再中埋閒收多兩千!!
全程基本上都係水面, 好難得細注輸大注贏, 最後一舖諗住都贏到咁上下, 一野車五千落去閒, 贏輸都走, 我睇牌, 我話我好驚, 隔離個阿叔話唔駛驚, 第一隻兩點, 第二隻三邊又比我吹甩左一點! 九點全部人齊齊收錢!!
望一望錶, 原來已經玩左差唔多成個鐘, 雖然仲未夠鐘, 但我心諗見好就收, 無可能經常咁好彩, 費事輸返落去, 然後話約左人走先, 之後落樓下飲杯野先走去搵friend, 去到銀河手痕買大細, 又比我贏多四百, 埋單贏24650!! 不過..... 諗真D.... 其實只係贏返上次輸既
不過呢個friend算唔話得, 制止我唔比我唱碼, 後來想去睇囡囡, 點知沙圈收左皮, 問下secure阿叔, 佢話無左成個月喇.....