執身彩之旅

小弟常黎拜讀C兄戰事報告，有番咁上下賭齡既C兄都明白，過大海睹不是輸就是嬴 (無估錯大部份C兄係都輸多贏少、總結負數吧?!)，依家出戰都平常心對待，抱住阿Q精神輸左就當享受過程既娛樂費，贏左就當出BONUS。   加上小弟文筆不才，既沒有夢兄既精彩戰事+泡菜報告，也沒有近期天鵝兄肺苦的心情剖白好看，更沒有艾兄、SO爺博學多才，所以只偶爾回覆一下以表支持。 但今場戰況有些少特別，所以獻醜分享一下。

癈話講完，金次本金4萬，到步後先到金沙試水溫1、2千 8+6打一下。開頭幾順利不夠半小時到左全日高位贏一萬多，跟住開始拉鋸戰，上上落落，浮浮沉沉下下水，試過連續幾鋪拿6、7點都被博死，暫輸1萬5知道自己運氣轉差先停一下去食D野，希望可調整一下黴氣。食完後去一個新場蘭桂芳玩玩。雖然蘭桂芳算是細場，但感覺不錯，上到2樓整個場有陣幽香既香水味 (唔知到過這場玩既C兄有無留意?) ，燈光不算暗、台與台間隔、通道也算OK。先行了個圈瞭解一下，有7-8台老虎機有獨立位置(喜歡PRIVICY既C兄可去玩一下) 、高額區Min有一千台，可以飛牌，但入去時只小貓3幾只，所以睇左一陣就走番出大堂玩。選左張95台玩，可惜運氣沒好轉，贏一輸一，沒孖寶錢，或一贏兩輸下繼續插水，轉幾次台玩左2、3個鐘後輸剩5千，時不與我，只好舉手投降。

準備拿5千碼換錢走時，發現換錢櫃台對出一張台圍左7-8個人，經驗話我知應該有好路就即管八掛一下，原來係新台，開左10局，分別係 莊、和、莊、和、莊、和、莊、和 +2個莊，果時2個強國大戶及一位靚姐都嘻嘻哈哈大聲笑，而小弟反正有5千在手，就即管惜助旺家，從第12口下2千 (第7口過河莊沒下注)，心想如買第一口就爆即是小弟搭沉船，唔洗袋下拿3千走人 (自我安慰)。轉淚點終於出現我身上，由2千、4千，再4、8千買繼續開莊，莊非常旺，最少也6、7點以上、閒都是3、4點以下，由於大戶門太高漲，引來好多人過黎圍台，高峰時有3層人，應有3-40人，到中段開了11口莊後殺出個睹腩破龍人出手第一口一千閒，他連輸3口後第4口買1萬5，班長反出來閒8點，我望了睹腩人一眼，他沒無表情，果然是機械人之心，但大家沒有靜下黎繼續叫喊，大戶慢慢睇牌，輕鬆微笑著先報出無邊、3邊 ，大家即時加大力度打氣，最後27軍9羸8莊勝。此時睹腩人居然停了沒再出手，我感覺奇怪，睹腩人不是見慣這場面嗎點解會停下來不再追閒呢? (話說回來如果他繼續追應是斷腩收兵)  跟著沒理會他全城人繼續下莊，由於下注人數眾多，每局由派牌到收錢收牌搞成10幾20分鐘，最後開了19局莊後，到第20局終於在8輸9閒勝爆路下結束散場。而小弟結帳最終由輸4萬5反勝6萬多離場，真是執身彩。

多年來 長莊、長閒長單跳2、30個也見不少，沒什麼特別，但可遇不可求，有時踫到又到水尾，買3、4口就爆了。今次能致身其中又從輸變贏仍有點小運。

小弟偷拍技術真的不濟，加上第一次在場內偷拍有點緊張，只能拍出模糊的，請見諒。如可拍出差利兄的質數可增加可觀性呢

p.s. 澳門的土何時才會改善?  是否海鮮價只圍繞睹場附近，其他地區沒這情況，否則或多或少也會影響當地民生呢??!!   試過碼頭去乙水仔叫價200-300有之，本來20-30塊在舊浦到碼頭也叫100…。