五月02(六)星洲金沙遊記
下午抵達獅城,取酒店房後先到聖淘沙名勝世界,屬於雲頂集團娛樂場參觀。因護照掃描無效,出入都要保安人手處理。
入到去,剛行埋張骰仔檯睇下限紅,點知即開圍6,強烈訊號讓我安心參觀不投注。
離開後入牛車水買肉乾,路過找換店見港幣兌換率0.171幾,無兌到。
晚飯後主菜濱海灣金沙,簡單行下附近空中花園,22:45入場問兌換率,嘩!0.1635,死死氣走番出去襟機,點知部部機都唔得,一襟提款或查數即退卡(唔知自己有無開通海外提款)。
算9數,本來想換兩萬港幣,羊佢$1000坡紙既,而家只兌換一萬港幣變咗星幣$1635。袋起零頭,將$1600在檯上換碼,奇怪事情來了,俾番$500*2+$100*5+$25*5籌碼我。因為收現鈔,所以要叫掃把入紀錄,個荷同個掃把睇住數碼,然後俾咗$1625我。
我摣住份碼自己數一次,再數一次俾同行之小兄弟睇,算係津貼$25匯率上既損失。無入貴賓廳,中場無95檯,就揾張細檯大水8+6,$50~50000限紅試下,過程簡略,高位羊$400兩次,低位C$700。由23:00磨到03:15羊$375收兵算啦,推唔上無謂勉強。換番坡紙(不能換回港幣),出去等的士先知大L獲,排咗90分鐘05:15至上到車。
總結:兩個場人山人海,極多年青貌美女子,衣服新潮開放,無乜見到大陸佬。更有很多求差其賭客,有單0同孖0輪盤放在隔離,結果都有人賭孖0檯。大水檯成日有人買四瓣,對子和加個fortune6,即是z六點羊@12to1,唔C至奇。西方賭戲多,花樣變化亦多。觸目所見,多數客淫錢買碼C多羊少。
服務真係差,厠所細又汙糟,想飲杯鮮奶參茶唔使幻想,見人俾卡唔見荷入分。淨係排的士已經唔敢賭到半夜,見識過就算,唔想再幫襯!去慣澳門大場的版友,相信都唔會喜歡星洲模式。提下想去星馬的版友,先在香港兌換外幣(0.17196)最化算,當地舖少匯率差!
當然旅遊另計
祝師兄旅途愉快