【賭場成長日記】(真人真事) - 第6集

繼上次冇輸冇贏之後,我返到屋企攝高個枕頭,典床典席,希望可以諗到一個可以平圴贏既方法!諗下一粒鐘,諗下又一粒鐘,越諗越訓唔著,自從呢晚之後,我從此失眠!相信唔少師兄都係輸錢之後領教過飽受失眠既折磨!

終於,我諗到一個方法,要減低風險,就要將落注既次數大大減少,咁樣先可以減低輸錢既機會!而贏錢既機會就靠等同埋忍,睇準先落,如果都係輸,就當真係唔好彩,然後繼續等同忍,再搵下一個贏錢既機會!

摣住呢個方法,我隔左一個禮拜,又再重新披上戰衣,梳上賭神頭,向住上環出發!今次雄心壯志,自信爆棚咁到達永利!大大力咁雙手推開道大門!真係賭神入場咁既氣勢!其他人都以為係咪有巨星大架光臨!

首先去將五千蚊本唱成籌碼先,然後開始遊臺,專搵D開得少門既廿一點臺,因為開越多門,變數越大,由其係永利既廿一點臺,通常頂盡都係開三門係最好!開多過三門就真係完全靠運!而且遇著同台唔識玩個D坐著尾門,註定成臺含家產!

遊下一粒鐘,遊下又一粒鐘,終於,我係到達後既第三個鐘先落第一注。我當然係坐落尾門個位啦,最後張牌由我決定,會心安理得D!夾埋我,成臺得三個人,佢地玩緊兩門,而我見佢地贏緊,梗係唔開多門,直接係後面跟注啦!

通常佢地都好敏感,如果贏開,一有人坐低,就會啤恆哂,用眼神話佢知,我地贏緊,唔該唔好開多門!但偏偏個個令願輸都唔敢講出聲,經常有人坐低開新門,然後齊齊輸,齊齊硬食,然後講唇語!我到依家都唔撚明,開下聲洗死嗎,有意見就要講出黎,如果聽你講完佢贏到錢,佢拜你都黎唔切啦,仲驚佢屌你咩!

好喇,我坐低跟尾門,荷官派第一輪牌,第一門個位係阿婆黎,唔記得係十二點定十三點,佢竟然唔博而我地個門就兩張公,就梗係唔洗博啦!點知僕街喇!莊7仔面,先博一隻8仔,再黎一隻6仔,屌佢老味,廿一點殺哂!

我有見及此!明明個勢係莊弱,上幾鋪一派牌就十幾廿點,所以唔洗博!由呢一鋪,我已經睇得出佢地係唔識博牌!所以我即刻開多門!第一輪派牌,阿婆都係十二三點,當然,又唔博牌啦,咁到第二門位阿姐,十八點,唔博啦。到我喇,我十二點,博一隻7,夾埋十九點,好喇,到莊博,牌面7仔,博一隻公,十七點,阿婆又輸,中間阿姐同我就贏左!

由呢一鋪開始,跟住落黎個幾鋪都唔洗博牌咁濟,直接十幾廿點贏左,唯讀係第一門成日都十二三點,而阿婆每次都唔博牌,所以佢已經輸左幾千!過一輪之後,牌勢轉左,黎親都細牌,呢樣野真係食住阿婆,阿婆永遠都唔博牌!

好喇,見佢個勢係細牌,通常博兩三隻都唔會爆,阿婆唔博,阿姐只敢博一隻,博完都係得十四五點!我牌面又係好細,博三四隻之後先十七八點!其實都好難贏到,莊係呢一輪細牌既攻勢下,鋪鋪博到最後都廿十廿一點!我見倒輸幾鋪,拿拿林起身走人!阿婆同阿姐繼續留守!

起身之後繼續遊臺,搵值得投資既臺,係非吸煙區無張臺係莊弱既!雖然我曾經講過話唔再係吸煙區賭,但係等左咁耐都冇淡好食,唯有兜過去吸煙區打個冷,睇下搵唔搵到食!去到個邊,煙霧彌漫,牌都差D睇唔到咁濟!

終於俾我搵到張莊弱既臺,個男人唔係廿點就BLACK JACK,贏到笑哂口咁,我即刻跟佢注,頂佢個肺,一跟就輸,然後唔跟,佢又攞返廿點廿一點!跟住我又跟啦,一跟又輸,基本上係一跟親就輸,唔跟佢就正常返!同佢前世撈亂骨頭咁款!

而係呢個時候,我感覺到有野係咁頂我手肘,有D彈性,軟林林既,仲隱隱約約feel到中間凸起既!係個一刻,我只係認為得一種可能性!就係女人既波佢係湖南人、芳齡20歲、樣貌清秀、乾淨俐落既馬尾、皮膚白淨、波大夾腸口、白色緊身低胸超短連身裙、露腳指黑色高爭鞋,由頭到腳都清楚咁表示左佢係一隻雞!唯一唔好既係鵝公喉,一開聲就充滿風塵味!

佢突然咬我耳仔,近到奶到我隻耳仔咁濟,陰聲細氣,講野又借D倚咁吹氣落你耳仔到,一輪嘴:「我跟你講,這就是對沖,你跟他不合!所以你一下你就輸,你不下他就贏,你跟他不合,你不會贏得了錢啦!剛剛我也是跟你一樣,每次一下就輸,現在剩沒多少!」同一時間,繼續胸壓攻勢!正常一個男人,你遇到D咁既情況,你想唔扯都難!

當然,聽佢講完之後,我梗係唔會將真實既感覺表現出黎啦!反客為主,由我引導返佢轉頭!我同佢講:「那應該怎麼樣才可以贏呢?你現在還剩多少?不然這樣好了,我們兩個都處於下風,說不定我們會很合!我們一起打,你覺得怎麼樣?」同時手肘反壓返佢個波轉頭!

佢又咬我耳仔:「唔~~不行啦,我真的沒剩多少,就算跟你一起打,也很難番本呀。」我:「那有不可能的事,我們換過去非吸煙區看看!來來來,你還剩多少,我們一起玩,等我教你玩!」佢鳥低身,D頭髮癡住我塊面,咬耳仔講:「好吧,我剩兩千塊人民幣而已,是最後希望了!」


就係咁,我同佢一齊去櫃臺換碼,係呢個時候,佢話佢唔知個匯率幾多,想直接俾人仔我,叫我俾D碼俾佢!你老味,你真係當我穀精上腦咩,點知你真錢定假錢,我冇野叻,忍耐力就最叻,點會咁容易就俾佢厄到!我話好呀,然後佢將二千人仔俾我,我即刻將個二千訂去櫃臺,叫佢幫我換碼,然後同湖南妹講:「你不用擔心,我幫你換,不就行了嗎?我在這裡混了很久了,很熟練了,我幫你換。」

幫佢唱撚完二千蚊人仔,佢真係主動到呢,橋住我隻手一齊行去非吸煙區一路行個波就一路貼撚住我隻手,即係擺撚明同你講,來吧~來吧~快點插我吧!插你就唔會喇,但係感受一下就OK!去到非吸煙區,佢又突然話有事要講電話喇,行開之後仲大膽到正面胸壓我,叫我等佢一陣,佢好快返黎!

你話丫,如果係純情既後生仔第一次入賭場遇到呢D野,點把持得到呀,穀精上腦,個腦剩係諗住點砌佢都諗到迷失哂啦,有D入世未深,仲以為真係有豔遇,分分鐘俾人融左都唔知咩事!係就正正經經去桑拿,呢D速食時間短,房就上佢房,點計都唔划算,話知佢係小龍女咁既樣,都唔會上!
待續...