【賭場成長日記】(真人真事) - 情人節篇-外傳
自從係十二月尾同條女散左之後,我唯一既精神支柱都冇埋...就係四個幾月前,我從來都冇諗過,我同佢會可以走埋一齊...
一個係係社會大眾來講屬於廢青?唔係丫,我都唔覺自己廢...定還是係當局者迷,我仲未知道自己有幾廢呀,哈?...um...或者係屬於毒撚?唔撚係丫,毒撚邊撚夠膽去賭場丫...um...定抑或係屬於宅男?無錯!,我諗用呢個term來形容自己係最較為適合不過喇...
而另一個就係家教嚴謹,清新脫濁,單純可愛既鄰家女孩相識過程唔多講,一個宅男情場浪子遇上一個鄰家女孩...我咩女未見過!幾撚靚幾撚吹彈可破既都見撚過!我曾幾可時對撚住個燈火發誓,話我從今以後唔會認真咁拍拖。
第一:我只係一個得把口,實則係一個頹廢既人,我唔會俾到幸福對方!第二:我係一個外表冷酷無情,但實際上係極重感情既人,所以一但投入感情,就會全心全意,死心塌地咁愛一個人!我唔想浪費個女仔既青春!第三:呢一點亦都係我最唔想承認既,就係,我唔想再經歷係分手個一刻,個一種內心撕裂,但係又要假裝硬淨既感覺。
所以我無時無刻都提撚醒住自己係一個浪子,睇落好似好撚型,其實又咪係為自己加上一道厚厚既大閳...。無錯呀!出面既人係好難入到來hurt你呀,但係你永遠唔行出呢個門口,你就會永遠只會生活係自己既咀咒之下,陰影耐左,就會變成實影,到撚時呀,屌!你想擺脫都擺唔撚到!
見到呢個女仔,係一見鐘情既感覺!完全乎合我朝思暮想個種簡單純樸既感覺!我決定為佢打開呢道門...講都冇人信,我為既唔係性...我為既係一場真真正正,簡簡單單既戀愛...!係拍拖個三個月...應該係話係呢段為期三個月既愛情裡面,我同佢係無發生過任何關係,最親密既行為,亦都只不過係拖手攬腰打茄輪,其餘地方一律冇掂過!
千祈唔好話我戇鳩,我話你知,經歷過風浪起跌既人,先至會享往番返樸歸真既感覺!無論係情場定係賭場都係一樣!其他人係抱住咩態度,點諗,我唔撚知!亦都唔care!呢一段係我拍過最短,但同時亦都係最刻骨銘心既拖。性?已經唔重要喇,我得到既遠遠比起性呢樣咁膚淺既野黎得實在!
即係等於係賭場,你鐘意大起大跌,一係贏到開哂行,一係就輸撚到僕街個種高風險,生死一舜間既感覺丫,定還是係平平穩穩,索多D經驗之餘,最尾就算輸..亦都只係輸少少既感覺呀?
我就會揀後者喇!,所以係愛情方面,我都係鐘意細水長流、循序漸進既感覺,令願拍幾年,最後分手,獨自承受內傷...用時間去修補傷痛,點都好過快來快去,一箭射穿你個心,血流不止,等你豪無還擊之力個種感覺!但依咁多位板友黎睇,我呢D戇鳩,應該可以稱之為磨爛席既愛情。
真正愛一個人,係唔會計較任何得失,你會俾最好既野佢,處處都會為對方著想先,天氣凍?我凍唔緊要呀..最緊要係佢唔好凍親!我令願我得內傷,都唔想佢承受個種俾A4紙界損隻手得既皮外傷!呢D就係愛!呢D就係最基本,最簡單既愛情!
我相信係社會上有好多外表冷酷無情,西口西面,黑撚人憎既人,都一定曾經有過呢D最原始經驗!但大多數被hurt過,傷過既人,都唔想再經歷番個種感覺,為自己帶上一個面具,上一層保護色,甚至每日有一種行屍走肉既感覺,做一個唔係自己既自己,為既係咩呀?因為大家都唔想再痛過...因為真係好痛...好傷...好up....呀!
但偏偏我同佢既愛情開始既時候,亦都係我開始踏入賭場既時候,初頭我冇同佢講我去賭場既事!我唔想佢分擔我既傷痛,我淨係想佢分享我既快樂,想幫佢分擔佢既傷痛!自己有事,自己頂住,如果佢有事,我會由得自己俾自己既事壓死,然後再用仲未壓死個一邊身體幫佢頂!
開始賭左個幾月,有一晚...我好內疚,我覺得我唔應該厄住佢,我記得我係夜晚十一點打俾佢,佢一開聲我就同好認真咁同佢講:「xxx,我有件事想同你講,我有樣野暪左你好耐喇...我覺得我有必要同你坦白,有必要俾你知道...我係一個點既人...你知道左之後,你再決定繼唔繼續同一個咁既人走落去...!我...係呢個幾月成日去賭場,已經輸左幾萬蚊喇...之前話去邊去邊,都係假架...我其實係去左賭場...我唔知點同你講呀,我開始失去左理智喇,我變左喇,我驚我繼續咁落去,你會俾我累埋...」
我講左成三分鐘,佢無出過任何聲,等我講哂成件事之後,佢諗都唔洗諗,佢開聲:「唔緊要啦,有我係到丫嘛,無論發生咩事都好,我都會係你身邊陪住你,知唔知呀!無論你變成點都好,你係我男朋友,我點都唔會唔理你架,仲有呀...下次發生咩事都好,唔準你暪住我呀,你唔同我講,我就真係嬲架喇!知唔知呀!」
係個一刻,聽佢講完呢番說話,一秒都唔洗,我竟然喊撚左出黎,對眼好似開撚左水喉咁,D眼淚水係咁流...係咁流...我自己都分唔清係開心到喊定係傷心到喊,真係百感交集,一路又喊又笑咁同佢講:「嗯...我應承你,以後無論發生咩事都好,我都會同你講,因為我真係好愛好愛你呀!」
佢:「你唔好喊啦,搞到我都喊喇,你依家係邊呀,我出黎陪你啦,我唔準你一個人自己係到亂諗野呀!!」我:「我係xxx到坐住呀,依家夜喇,你唔洗出黎喇,廢事你屋企人擔心呀,知唔知呀!我同你講完,依家成個人舒服左好多喇,你唔洗擔心我呀,你呀...今晚凍呀,記得褸多件杉先好訓呀,知唔知呀!我唔準你凍親架!!你凍病左,仲點陪我呀!」佢:「你係真係ok先好呀,有野唔好收收埋埋,我愛你呀」我:「我都愛你呀,早D訓呀,byebye<3」
係個一晚,我覺得個天其實對我不薄丫,雖然輸左幾皮野,但係就俾左個不離不棄既女朋友我,我突然之間冇哂輸錢個淒涼既感覺,我反而覺得我好幸福,唔知呢D算唔算係幻難見真情呢!
待續...
