「反針」

呢排亞爺開大水喉「水淹」港股！「春江水䁔鴨先知」，當年初亞爺大力吹鼓「一帶一路」，我班老友見亞爺睇牌，拿拿聲「幚莊」，我就入多少少388，再加注939，3988,再收買爛銅爛鐵。。。最爽係玩番牛證。。。隻隻有2-3倍回報！巧！呢個大時代，亞爺摣「金鋼莊」！如果唔乘勢執番多少錢，對唔住亞爺囉！

剛剛出trip返香港，係出trip時有一晚係住個間intercontinental 洲際與同事係酒吧吹水，行出外面夜觀星像，竟然萬裡無雲，繁星點點！係大城市咁嘅光污染環境下都可以有如此夜空，真難得！望住星河，突然好似有所領悟，決定回港後立即「渡海屠獅」！

返回香港，先回公司安頓好公事。過兩日後，執個好時晨,再招隻18萬精兵，渡海，劍指MGM！

是日，晴空萬裡，風平浪靜，順利登岸。推入MGM大門，呼喝一聲：「殺」！先換精兵10萬，再去廁所「放水」，洗面，精神！例牌遊場，試水幾口，損失少許。不經意步入高額區，試了三張枱，發現敵軍戰鬥力頗強。再巡一圈，見張枱冇人，已開20口，前8口開出pppp和和PB.我先派精兵3千試推P,四邊吹走一粒，9點一槍！跟著漸入佳境，使用1133注碼出擊，收覆失地，並已達到一半目標。正當我指揮千軍萬馬屠獅時，突然有一大陸「年青才俊」出現。此住講到一大6人坐埋張枱，我當時戰情順利，以為此人會按正常賭法幚手賭獅。我跟著推1萬P(其實當時冇咩路睇，只是我之前幾旺），大6佬竟然買1皮B!!我當時心都跳一跳，開牌俾大陸佬8點一槍KO!第二口大6佬遲遲唔落，見我一買莊，立刻買閒，又俾佢8點KO! 我當時想自己原來已變「燈」！正想離枱，見靚嬸班長望住我，好似鼓勵我繼續做戰！我計一下身上精兵，仲係正數，好！就同你搏過！我買莊，佢照例等我買就推對家，我叫靚靚班長幫手睇，哈，連續兩口莊都KO對手！第三口我買莊自己睇牌，又KO對手。第四口我又買莊，大6佬又鬥氣買閒。佢先睇，睇完四邊，將兩隻牌反罩住，低頭慢慢推俾班長，班長開牌，原來8點！我心一沉，暗暗呼一口氣，先睇一隻，4邊10仔，再睇另外一隻，4邊！暗暗叫「吹」！OK,9點！我望一望對方，哈，佢手執一隻碼，不斷敲枱，側身望我，嘴角有口沫，忍住笑！好！咁有「品」？我低頭，將兩隻牌罩住慢慢推俾班長，搖搖頭嘆了一口氣。班長開牌，大陸佬慘叫一聲，離檯敗走！靚靚班長俾個Like我！反針成功！