阿添的故事(1年多時間輸200萬的故事)

第一集

昨日中秋佳節, 阿添的朋友約埋出去沙灘玩, 8女6男的PARTY, 要幾好玩有幾好玩。有些比較孝順的朋友就陪屋企人過, 晚上一齊食月餅樂融融。阿添冇去JOIN佢地, 佢到底去左邊? 原來佢中午1點起身立即坐船去澳門過節(自己一個), 唔使半個鐘輸光所有的籌碼, 立即去金光飛航用自己的黑卡出一張船飛賣比玲姐, 佢比80阿添。 佢即刻飛奔賭場, 去按老虎機, 希望中獎, 小獎都好... 當輸到得番40, 再跑去骰寶機, 40買大, 買個陣已知輸極更, 果然開1,2,5。。

阿添成個人眼神空洞, 口張張, 身體散哂駝背甘, 好像癡呆人士坐在百家樂睇人地玩, 隔左一陣...又指定動作, 去高額區(以前阿添長註的地方)睇人玩, 比D心理安慰下自己 (因大客一口都輸10多萬), 心諗自己都唔系輸好多姐.....

最後阿添又用黑卡出船飛急急腳返港, 在坐船途中, 身心疲累, 好快入左夢鄉, 返返去阿添8年前第一次去賭場的時間...

阿添8年前仲系學生哥, 一大早10點約左阿偉過澳門大戰(當時2人是老死, 第一次去賭場已是博殺狀態, 因2人在前幾天輸賭波輸了約1皮), 但第一次去, 每人都是帶2千去, 心諗賺船飛錢食飯錢旅行錢就OK啦。 當時威X斯人剛開不久, 2人又去簡直系大開眼界, 金碧輝煌, 賭場好像大到一望無際。 2人唱錢買大小, 形勢勢如破竹, 當時都唔識睇咩路, 2人感覺岩就買, 2千好快就羸了4千。阿添阿偉走到一張臺, 5小3大, 2人每人夾500買小, 1,4,5小。阿添開心收錢之際, 阿偉問阿添過唔過關, 阿添正處高脹狀態, 當然話好。 叮叮1,1,2小。阿添其實心諗輸左冇所謂, 但又羸的情緒簡直HIGH到頂點, 立即同阿偉GIVE ME FIVE!! 阿偉又講, 再過多一關, 阿添猶豫左一下, 因過3關對當時讀數理的阿添來講系冇可能的事, 邊有甘好彩, 要過3關的機率是約1/8, 不過最後阿添都同意左, 2人心情變左一種複雜的感情:興奮, 緊張, 認真..阿添吞了淡口水, 睇到個骰鐘慢慢開....1,4,4 小!! 2人立即互相擁抱, 再來多幾次GIVE ME FIVE, 收錢個刻都未敢相信, 幾分鐘索了4000, 最後大家都索1皮就食自助餐, 懷著興奮回港。。天真的阿添當然認為賭場就好像股票一樣, 可以當兼職搵食啦, 而且仲可以好搵好多!!

PS 小弟今日空閒(因己輸光所有的錢, 現等待小弟的是一身債務), 一直都想寫阿添的故事, 為咩我都唔知, 可能學某CHING講...輸2百萬換一個話題(?...

避免有任何法律誤會, 小弟聲明以上故事純屬虛構，如有雷同，實屬巧合。