澳門遊好貴？網民話泰日台仲抵玩

香港人喜愛旅遊，不時上網瘋搶平機票、平酒店，搜羅最抵最正的旅遊Package！近日有網民在親子王國討論區發貼，向精明網民求教，詢問「依家去澳門係咪貴過去台灣？」此貼旋即引起網民熱議，到底澳門旅遊有幾貴呢？

有網民粗略估算，澳門坐頭等船需317港元，二人來回即需1268港元，而澳門中價酒店每晚需約1400港元，兩晚即2800港元，因此二人於澳門三日兩夜旅程，船票加酒店即4068港元。而台灣機票每人連稅約1100港元，二人來回即2200港元，同樣選擇中價酒店每晚1000港元，兩晚便需2000港元，三日兩夜機票連酒店需4200港元。

另有網民笑指，分分鐘去日本仲平過去澳門，舉例指購買廉航78港元機票，來回連稅只需600港元，酒店則選1萬日元(約700港元)以下，兩人來回三日兩夜旅程僅約2600港元。有網民則指團購去泰國，酒店連機票，二人來回三日兩夜亦只需4000港元。

有網民解釋，澳門酒店較貴，但消費不多，只要不到賭場拼博，使費較少；台灣及日本方面，則有太多購物點及消費選擇，雖然機票及酒店較便宜，但消費高過到賭場玩樂！

網民有話說

Miss.Hui：無得咁比較兩個地方，做嘅野都完全唔同，有時得2日假，又點去泰國？

Littlecatta2013：澳門死氣沉沉，如果咁貴真係零興趣

CL0214：6月18日兩日一夜連兩套來回船飛，盛惠3000(港元)，貴到嘔!

maggieddie：我本來約哂(晒)家人暑假去澳門三日兩夜，計過數真係貴過坐飛機，即刻轉軚改去曼谷芭堤雅